Lokol Pej
Ol Volontia Oli Givim Seves long Wanwan we I Gat Disabiliti long Vanuatu
Long Satedei namba 1 Disemba 2018, wan grup blong ol volontia blong Beverly Hills eria long Port Vila, oli joenem ol senia misinari blong Jos blong Jisas Kraes blong Ol Lata-dei Sent blong putum tugeta 400 presen basket blong givim long ol pipol wetem disabiliti.
Seves aktiviti ia, i joen wetem intanasonol dei blong ol pipol wetem disabiliti we i bin tekem ples long semfala wik ia.
Ol basket ia, oli fulumap wetem ol saplae blong skul mo kipim bodi i klin. Sista Debra Roundy i talem se “ol pikinini oli bin gud tumas; oli givim evri paoa blong olgeta blong putum tugeta 400 basket, mo hemia long tu aoa nomo. Oli rili mekem pat blong olgeta blong help blong givim laet long Vanuatu mo mekem disabiliti dei i wan spesel dei.”