Ang Espiritu Santo Mao ang…
1. Usa ka sakop sa Diosnong Kapangulohan. Nagpasabut kana nga nakigtambayayong Siya sa Langitnong Amahan ug ni Jesukristo aron sa pagtabang kanato. Usahay tawagon siya nga Espiritu tungod kay wala Siyay pisikal nga lawas.
2. Usa ka gasa nga moabut tungod sa bunyag. Human mokawas gikan sa tubig, makakuha ka og espesyal nga panalangin nga gitawag og “kumpirmasyon” diin dapiton ka sa pagdawat sa Espiritu Santo.
3. Usa ka saad gikan sa Langitnong Amahan. Sa imong pag-ambit sa sakrament, mosaad ka nga mopadayon sa pagsunod kang Jesus. Agig balos, ang Langitnong Amahan mosaad nga ang Espiritu Santo magauban kanimo.
Sama sa usa ka mainitong habol nga naglibut sa imong kasingkasing. Makahupay Siya kanimo kon mobati ka nga masulub-on o nahadlok.
Sama sa usa ka alarma nga nagpahimangno kanimo sa kakuyaw. Makagiya Siya kanimo palayo sa unsay makapasakit kanimo.
Sama sa usa ka maaghup nga magtutudlo. Makasulti Siya kanimo kon unsa ang tinuod ug makatabang kanimo sa paghinumdom sa unsay imong nakat-unan.
Sama sa usa ka mensahero gikan sa Langitnong Amahan. Ang Espiritu Santo makatabang kanimo nga mobati sa gugma sa Dios ug makasabut sa unsay Iyang gusto nga imong masayran.
Sama sa usa ka timaan nga nagtabang kanimo nga masayud asa moadto. Samtang mohimo ka og mga pagpili, makatabang Siya kanimo nga magpabilin sa dalan padulong sa kinabuhing dayon.
Sama sa labing suod nga higala kinsa gusto nga mouban kanimo sa kanunay! Pinaagi sa paghimo og maayong mga pagpili, imo Siyang gidapit nga magpabilin uban kanimo.