Hello gikan sa Dominican Republic!
Hi! Ako si Margo. Kini ang akong igsoon nga si Paolo.
Mobisita mi sa Dominican Republic. Kuyog kamo kanamo!
Ang Dominican Republic anaa sa Caribbean. Anaa kini sa usa ka isla uban sa nasud nga Haiti. Mga 10 ka milyon ka tawo ang nagpuyo sa Dominican Republic, lakip ang mga 130,000 ka mga miyembro sa Simbahan.
Sa Dominican Republic, Kinatsila ang ilang sinultihan. Ania ang usa ka batang lalaki nga may el Libro de Mormón—ang Basahon ni Mormon.
Daghang mga bata sa Dominican Republic ganahan nga magdula og baseball. Kini ang labing sikat nga dula sa nasud.
Ang mga tawo sa Dominican Republic mokaon og daghang tropikal nga mga utanon ug mga prutas. Kining mga bataa nanginom gikan sa mga butong!
Ang Dominican Republic adunay usa ka templo, sa Santo Domingo. Ang sinulat nag-ingon, “Santidad al Señor: La Casa del Señor.” Nagpasabut kana nga, “Pagkabalaan ngadto sa Ginoo: Ang Balay sa Ginoo.”
Sa miaging tuig ang propeta mibisita sa Dominican Republic ug namulong ngadto sa mga tawo sa Kinatsila.
Salamat sa pagsuhid sa Dominican Republic uban kanamo. Karon moadto na kita sa atong sunod nga panimpalad!