Mubo ug Direkta

Unsay akong isulti kon ang akong mga higala mangutana sa atong mga gituohan mahitungod sa kaminyoon ug pamilya?

Diha sa “Ang Pamilya: Usa ka Pamahayag ngadto sa Kalibutan,” ang Unang Kapangulohan ug ang Korum sa Napulog Duha ka mga Apostoles namahayag nga “ang kaminyoon tali sa usa ka lalaki ug usa ka babaye gi-orden sa Dios ug ang pamilya mahinungdanon ngadto sa plano sa Tiglalang alang sa walay katapusan nga destinasyon sa Iyang mga anak” (familyproclamation.lds.org).

Kini nga pamahayag “usa ka pahayag sa mahangturong kamatuoran” nga miabut pinaagi sa usa ka “proseso sa pagpadayag” ug dili nga “usa lamang ka pamahayag sa lagda” (Dallin H. Oaks, “Ang Plano ug ang Pamahayag,” Liahona, Nob. 2017, 30, 29). Mahimo ninyong ipaambit ang inyong personal nga pagtuo nga mao gayud kini, ug mahimo ninyong ipaambit ang mga panalangin nga nahatag niini nga mga kamatuoran kaninyo.

Sa pagtubag sa uban, kinahanglang likayan nato nga magminatarung sa kaugalingon o mabingkilon. Kinahanglang magtinguha kita sa paghigugma kanila. Kadtong matinuoron ug sinsero angayan sa sinsero nga tubag. Apan kon klaro nga ang usa ka tawo dili seryuso ug gusto lamang nga mobugal-bugal o mopakaubos sa inyong mga panglantaw, o kon gusto lamang sila og away, labing maayo nga likayan ang diskusyon (tan-awa sa Mateo 7:6).