Itulau i le lotoifale
Auai Fanau a Amerika Samoa i se Faafiafiaga Faaleaganuu
Na auai talu ai nei fanau mai aulotu i Pago Pago o Le Ekalesia a Iesu Keriso o le Au Paia o Aso e Gata Ai i se po faaleaganuu. Na amata le faafiafiaga i le taitaiina e se vaega o Tamaiti o le lagiina o le vii o le fu’a o le atunuu.
Na faatinoina e tamaiti i le po ni pese ma siva faaleaganuu i ofu mananaia faaleaganuu e fai ma sui i le tele o atunuu e aofia ai ISA, Tahiti, Fiti, Aotearoa/Niu Sila, Mekisiko, Samoa, ma Toga.
E tusa ai ma se [faamatalaga] a se tasi o le aofia, o se “po faagaeetia ma faaleagaga.”
Na ia toe fai mai “na tuufaatasia [tagata ma uo o le Ekalesia] i le lotogatasi ma le alofa ma le malamalama e faapea na fausia tutusa uma i tatou e lo tatou Tama Faalelagi alofa. Po o le a lava le gagana po o le aganuu ua tatou i ai, o i tatou o atalii ma afafine o le Atua.”
Na auai le Peresitene o le Siteki o Pago Pago Sisifo, o Peresitene Adney M. Reid i le faafiafiaga faaleaganuu, faatasi ai ma lona faletua o Tina Fonoimoana Reid.