ទីបន្ទាល់របស់ខ្ញុំអំពីបុណ្យគ្រីស្ទម៉ាស់

ទំនុកបទដោយ ឡារី ហិល្លឺ

តន្ត្រីដោយ ម៉ៃឃើល អេហ្វ ម៉ូឌី

វា​ជា​ការពិត ។ ខ្ញុំ​ដឹង
អ្វី​ដែល​បាន​កើត​ឡើង​នៅ​ក្នុង​ភូមិ​នោះ​កាល​ពី​យូរ​លង់​ណាស់​មក​ហើយ—
របៀប​ដែល​ពន្លឺ​ផ្កាយ​មួយ​បាន​បំភ្លឺ​ផ្លូវ
ទៅ​កាន់​កន្លែង​ដែល​ព្រះឱរស​យេស៊ូវ​គង់​នៅ
ដោយ​រាបសា​នៅលើ​ចម្បើង ។
វា​ជា​ការពិត ។ ខ្ញុំ​ដឹង—
ដោយ​សារ​ព្រះគម្ពីរ​ដ៏​បរិសុទ្ធ​បាន​ប្រាប់​ខ្ញុំ​ដូច្នេះ—
តន្ត្រី​នៃ​ពួក​ទេវតា​នៅ​លើ​មេឃា
អំពី​ព្រះឱរស និង​មាតា​ដ៏​ផ្អែមល្ហែម
ហើយ​ពួកគង្វាល​បាន​ជួប​ពួកគេ​នៅ​ទីនោះ ។
វា​ជា​ការពិត ។ ខ្ញុំ​ដឹង ។
ព្រះវិញ្ញាណ​បរិសុទ្ធ​បាន​ខ្សឹប​ប្រាប់​ថា វា​ដូច្នោះ​មែន
ថា ព្រះយេស៊ូវ​បាន​ប្រសូត នៅ​យប់​ដ៏​បរិសុទ្ធ​នោះ
បាន​បំពេញ​ពិភពលោក​នូវ​ក្តីពិត និង​ពន្លឺ
ហើយ​បង្ហាញ​យើង​ពី​របៀប​រស់នៅ​ត្រឹមត្រូវ ។
ខ្ញុំ​ដឹង ។ មែន​ហើយ ! ខ្ញុំ​ដឹង !