Pangkalahatang Kumperensya sa Paglipas ng mga Taon

Ngayon sa ika-190 taon nito, matagal nang tradisyon ang pangkalahatang kumperensya tuwing Abril at Oktubre, ngunit may ilang nakatutuwang pagbabago sa nagdaang mga taon:

• 1830

  Dalawang buwan matapos iorganisa ang Simbahan, namuno si Joseph Smith sa unang pangkalahatang kumperensya sa Fayette, New York. Mga 30 miyembro at ilang iba pa ang dumalo.

• 1850

  Inilathala ng Deseret News ang unang buong ulat ng kumperensya dahil naisulat ng bata pang reporter na si George D. Watt ang mga mensahe sa shorthand.

• 1867

  Tumagal ang pangkalahatang kumperensya nang apat na araw sa halip na karaniwa’y tatlo lamang dahil ipinasiya ng kongregasyon na manatili nang isa pang araw.

• 1924

  Ang mga mikropono ay unang ginamit sa pulpito sa Tabernacle. Dati-rati, kinailangang umasa ng mga tagapagsalita sa lakas ng kanilang tinig para marinig sila.

• 1949

  Gamit ang mga kamera sa Tabernacle, unang isinahimpapawid ang kumperensya sa telebisyon.

• 1962

  Ininterpret ang mga mensahe sa iba pang mga wika—German, Dutch, at Spanish—sa unang pagkakataon sa Tabernacle. Ngayon ang mga mensahe ay ini-interpret o isinasalin sa mahigit 90 wika!

• 1967

  Isinahimpapawid ang pangkalahatang kumperensya sa TV nang may kulay. Nakasuot ng light blue jacket ang kalalakihan ng Tabernacle Choir, at nakasuot naman ang kababaihan ng blusang kulay salmon.

• 1977

  Mula sa tatlong araw at anim na pangkalahatang sesyon, tumagal nang dalawang araw ang kumperensya at kinabilangan ng limang pangkalahatang sesyon.

• 2000

  Ginanap sa bagong Conference Center sa Salt Lake City, na 21,000 tao ang makakaupo, ang una nitong pangkalahatang kumperensya.

Upang mahanap ang mga mensahe mula sa kasalukuyan at nakaraang mga pangkalahatang kumperensya, bumisita sa gc.ChurchofJesusChrist.org o sa bahaging “General Conference” ng Gospel Library app.

Paglalarawan ng podium ni David Green; RETRATO NG TELEBISYON MULA SA Getty Images