Mga Young Adult

Maaari Nating Ipalaganap ang Liwanag ng Ebanghelyo

Larawang kuha ni Weston C. Colton

Ang young adulthood ay panahon para sa paglago, mga oportunidad, at pagkakataon upang simulang itatag ang iyong buhay. At iyan ay maaaring napakahirap pagdaanan, kapana-panabik at nakakatakot na sabay-sabay na nararamdaman (iyan ang talagang nararanasan namin).

Ngunit hindi man natin alam ang lahat ng sagot sa mabibigat na tanong sa buhay, may isang bagay na talagang nakakasiguro tayo—na ang mga young adult noon pa man ay may mahalagang puwersa sa patuloy na panunumbalik ng Simbahan ni Jesucristo.

Sa pagpaplano ng bahagi sa buwang ito, kinausap namin ang maraming young adut tungkol sa kanilang pakikibahagi sa pagtitipon ng Israel. At kami ay nakadama ng pagpapakumbaba sa kanilang taos-pusong pagmamahal at katapatan sa ebanghelyo ni Jesucristo. Anuman ang kanilang kalagayan, nauunawaan ng mga kabataang Banal na ito ang mahalagang papel nila sa huling dispensasyong ito. Sa “Paano Nakakagawa ng Kaibhan ang mga Young Adult sa Patuloy na Panunumbalik” sa pahina 44, maaari ninyong basahin kung paano inihahanda ng mundo ang mga young adult mula sa India, Hungary, Barbados, Australia, at Estados Unidos para sa Ikalawang Pagparito ng Tagapagligtas.

Sa mga artikulong digital lamang, nagbigay si Cesar ng pananaw tungkol sa kung paano natin mahahanap ang ating layunin at maging mas mahuhusay na lider. Nagsalita si Lauri tungkol sa mga pagpapalang natatanggap natin kapag sinusunod natin ang payo ng propeta. Ibinahagi ng iba pang mga young adult ang kanilang mga karanasan sa paglilingkod sa templo, pagmi-minister, family history, at gawaing misyonero. At ibinabahagi natin ang isang halimbawa mula sa young adult sa New Caledonia, na naglalarawan kung paano ginagawa ng mga kabataang miyembro ang gawain ng Panginoon sa maliliit na area ng Simbahan.

Saanman kayo naroon at anuman ang sitwasyon ninyo, maaari kayong makagawa ng kaibhan sa pagtitipon ng Israel nang higit sa inaakala ninyo. Bilang mga young adult, tayo ang magiging mga lider ng Simbahang ito sa hinaharap. At ang ating mga pagsisikap ngayon ay magpapaibayo at magpapalaganap sa liwanag ng ebanghelyo sa buong mundo sa hinaharap.

Tapat na sumasainyo,

Chakell Wardleigh at Mindy Selu

Mga patnugot ng bahagi para sa mga young adult ng mga magasin ng Simbahan

Mga kabatiran …

Mula sa mga young adult

sa patuloy na Panunumbalik

“Ang ibig sabihin ng patuloy na panunumbalik ay patuloy na nangungusap pa rin ang Diyos sa Kanyang mga anak. Siya ay buhay at aktibo sa mga araw na ito, hindi lumiliban. Siya ay nagmamalasakit sa atin, at nais ng propeta na malaman nating mga young adult na mahal Niya tayo. Kaya maging mabuting halimbawa at ipakita ang pagmamahal na iyan sa iba. Maging matiyaga at mabait at sikaping tulungan ang iba na makadama ng higit na kapayapaan, kaligayahan, at layunin na matatagpuan sa ipinanumbalik na ebanghelyo ni Jesucristo.”

—Parker Smith, Oregon, USA

“Napagtanto ko na ito ay patuloy na proseso at marami pang dapat ipanumbalik!”

—Ashlin Eddington, California, USA

“Ang dapat na mithiin natin ay ihanda ang ating sarili para sa Ikalawang Pagparito ng Tagapagligtas.”

—Kevin Bergmann, North Rhine-Westphalia, Germany

Mula sa mga lider ng Simbahan

“Kapag nagwakas na ang buhay natin sa mundo, anong mga karanasan ang maibabahagi natin tungkol sa sarili nating kontribusyon sa mahalagang panahong ito ng ating buhay at sa pagsusulong ng gawain ng Panginoon? Masasabi kaya natin na nagsumikap at nagpakapagod tayo nang buong puso, kakayahan, isipan, at lakas? O aaminin natin na ang naging papel natin ay tagamasid lamang?”

Elder Dieter F. Uchtdorf ng Korum ng Labindalawang Apostol, “Kabahagi Ba Kayo sa Gawain ng Panunumbalik?” Liahona, Mayo 2014, 59.

Paano makakahanap ng pag-asa at paggaling ang mga taong apektado ng adiksyon? Ipadala sa amin ang iyong sagot sa liahona.ChurchofJesusChrist.org bago sumapit ang Abril 30, 2020.

Ibahagi ang Iyong Kuwento

May magandang kuwento ka bang maibabahagi? O may mga artikulo ka bang nais makita tungkol sa ilang paksa? Kung gayon, nais naming makarinig mula sa iyo! Maaari mong ipadala ang iyong artikulo o feedback sa liahona.ChurchofJesusChrist.org.

Hanapin ang mga artikulong ito at ang iba pa:

• Sa liahona.ChurchofJesusChrist.org

• Sa Lingguhang YA (sa ilalim ng bahaging Mga Young Adult sa Gospel Library)