Pumarito Ka, Sumunod Ka sa Akin: Aklat ni Mormon

Saan ka nakatutok?

Alma 43–52

Agosto 3–9

Magkaiba ang tinutukan nina Kapitan Moroni at Amalikeo sa kanilang buhay. Habang “si Amalikeo ay … [nangangalap] ng kapangyarihan sa pamamagitan ng pandaraya at panlilinlang, si Moroni … ay inihahanda ang mga pag-iisip ng mga tao na maging matapat sa Panginoon nilang Diyos” (Alma 48:7).

Ano ang matututuhan natin sa mga pagkakaiba sa pagitan nina Moroni at Amalikeo?

Si Moroni:

1. “Hinirang ng mga punong hukom at ng tinig ng mga tao” (Alma 46:34).

2. Ipinaalam ang kanyang mga paniniwala “nang may malakas na tinig” at inanyayahan ang iba na gumawa ng mabuti (tingnan sa Alma 46:19–20). Nag-umapaw ang puso “sa pagpapasalamat sa kanyang Diyos” (Alma 48:12).

3. Sumumpa na ipagtatanggol ang kanyang mga tao, karapatan, bansa, at relihiyon ngunit hindi nagagalak sa pagpapadanak ng dugo (tingnan sa Alma 48:13, 16).

4. Nakasumpong ng kagalakan sa kalayaan (tingnan sa Alma 48:11), at nagalak ang kanyang puso sa “pangangalaga ng kanyang mga tao” (Alma 48:16).

Si Amalikeo:

1. Naghangad na agawan ng korona ang hari ng mga Lamanita at siya ang maghari (tingnan sa Alma 47:8).

2. Isang “napakatusong tao sa paggawa ng kasamaan” at lihim na “bumuo ng [kanyang] plano sa kanyang puso” (Alma 47:4).

   Isinumpa rin niya ang Diyos (tingnan sa Alma 49:27).

3. Pinukaw ang mga Lamanita na magalit upang magsanhi ng digmaan at sumumpa na iinumin ang dugo ni Moroni (tingnan sa Alma 47:1; 49:27).

4. Nakipaglaban upang ipailalim ang ibang tao sa pagkaalipin (tingnan sa Alma 49:26) at “hindi niya pinahahalagahan ang dugo ng kanyang mga tao” (Alma 49:10).

Talakayan

Ang pokus ni Moroni ay “binigyang-sigla ng higit na mainam na dahilan” (Alma 43:45). Saan mo itinutuon ang iyong buhay?

Anong iba pang mga halimbawa ng mga tao na nagtatanggol sa matwid na mga dahilan ang makikita mo sa Aklat ni Mormon? Paano makakatulong sa iyo ang kanilang mga halimbawa?