Camille N. Johnson

Peresitene Aoao o le Peraimeri

Na faaaluina e Camille N. Johnson lona olaga e suesue ai upu, mamanu, ma faaaoga e fesoasoani ai i tagata e foia faafitauli i le taimi o lana galuega e silia ma le 30 tausaga o se loia. Ma sa ia maua i taimi uma le filemu tele i upu o tusitusiga paia. Na te faaaogaina tagata o tusitusiga paia i ana uo mamae.

Ae, ina ua siitia atu i laua ma lona toalua i Amerika i Saute e taitai le Misiona a Peru Arequipa mai le 2016 i le 2019, sa ia moomoo pea mo upu. O lona le’i suesueina lava o le faaSipaniolo, sa ia tatalo ai mo le tomai e fesootai ai ma ana faifeautalai ma tagata ina ia latou lagonaina ai lona alofa mo i latou ma lana molimau i le Tusi a Mamona.

“Sa ou faalagolago i le Alii ma faalagolago i le Agaga e fesootai atu lo’u alofa ma le molimau pe a ou le maua ni upu. Se lesona ina a matagofie ma faamomoiloto sa ou aoao ai e ‘aua le faalagolago i [lo’u] lava atamai ‘ [Faataoto 3:5] ae tuu atu atoa i lo’u Faaola.”

I le ala sa ia toe aoaoina ai se upumoni faigofie o le talalelei: “e faatatau i le alofa i le Faaola, alofa e pei o le Faaola, ma le tuuina atu o le alofa ma le Togiola a Iesu Keriso e galue i o tatou olaga.”

Sa faamanuiaina Sister Johnson i le alofa mo faifeautalai e 552 a le misiona ma ua lagona nei ua faateleina i lona loto le alofa i le tasi million mo fanau o e ua ia te ia le tausiga.

“Ou te fiafia i lenei avanoa e aoao ai mai tamaiti o loo i ai se ataata o le alofa mama o Iesu Keriso,” o lana tala lea.

Sa soifua mai Camille Neddo Johnson i le aso 12 o Setema, 1963, ia Hal ma Dorothy Neddo i Pocatello, Idaho, ISA. Sa faaipoipo o ia ia Douglas R. Johnson i le 1987 i le malumalu o Sate Leki. E toatolu le la fanau. Sa faauu o ia mai le Iunivesite o Iuta i le gagana Peretania i le 1985 ma mai le Iunivesite o Iuta S. J. Quinney College o le Tulafono i le 1989.

Sa avea Sister Johnson ma Peresitene o Tamaitai Talavou a le uarota, sa i au peresitene o le Aualofa ma le Peraimeri a le uarota, ma se faiaoga o Aoaoga Faavae o le Talalelei.