Tulaga Manaomia Ua Toe Faafou mo Faauuga o le Seminare
Ina ia lagolago atu i suesuega o le talalelei i le aiga ma uunaia le faitauina o tusitusiga paia i aso taitasi, ua uma ona toe iloiloina tulaga manaomia mo faauuga o le seminare. I le taimi nei, i le aluga o le kosi o suesuega e fa-tausaga, o le a le lipoti mai e tagata o le vasega pe ua maea ona latou faitauina tusi o tusitusiga paia (Feagaiga Tuai, Feagaiga Fou, Tusi a Mamona, ma le Mataupu Faavae ma Feagaiga ma le Penina Tau Tele); ae o le a latou lipoti mai pe latou te faitauina tusitusiga paia i aso taitasi ia le itiiti ifo ma le 75 pasene o le taimi.
O lenei mea ua aveesea ai le taulai atu i le makaina o se pusa ia fausia ai se mausa amiotonu o le avea ma soo lea o le a faamanuiaina ai tamaiti aoga i o latou olaga atoa. E faatagaina ai foi e lenei mea le seminare, lea sa faia muamua ia ogatusa ma le taimi faatulagaina o le faitauga o le 12 masina mo le Sau, Mulimuli Mai ia te Au, e galulue ai ma faalapotopotoga uma a le Ekalesia e lagolago ai le suesueina o le talalelei lea e faatotonugalemu i le aiga ma lagolagoina e le Ekalesia.1
O mea faaopoopo e manaomia mo le faauuga o le seminare e aofia ai le auai i le 75 pasene i vasega ma le pasiina o le faavasegaga ma se togi o le 75 pasene po o le sili atu. O tusi faamaonia o le faamaeaina, lea e sili atu ona taliaina i nisi o eria, ua suia ai tusi faamaonia o le aloaiaina sa faaaoga talu ai.