Elder Carlos G. Revillo Jr.

Fitugafulu o le Au Pulega Aoao

Talu mai le taimi o lona laitiiti, sa manao Elder Carlos G. Revillo Jr e auauna atu i se misiona talai. Ae i le kolisi, sa tonu ai ia te ia e tolopo lana misiona i le tausaga e faamaea ai se tikeri o le faaenisinia tau vailaau o le lima tausaga ma pasi ai suega o le faamaoniga a le atunuu. O ia o se tasi o le toalima pito i luga o le suega a le puloega ma sa maua ai ni galuega lelei na ofo mai e kamupani soofaatasi faaleatunuu.

“I le taimi lena, sa ou fesili ifo ai ia te au lava, ‘Pe ou te manao moni lava e auauna atu i se misiona? Pe ua ou iloa moni ea o Iosefa Samita o se perofeta moni ma pe moni le Tusi a Mamona?” Na saunoa ai Elder Revillo. “Sa tatau ona ou tatalo ma vaai moni lava i le mea na ou talitonu i ai.”

Mulimuli ane, sa ia iloa ai sa tatalo ma anapogi lona tina mo ia. Fai mai Elder Revillo sa pa’i atu le Agaga i lona loto.

“Sa matuai faaosofia atoa la’u molimau ina ua ou auauna atu i se misiona talai,” o lana tala lea. “O faamanuiaga uma ua ou maua i le taimi nei ou te ave ai le faafetai i lena faaiuga taua.”

Sa soifua mai Carlos Garcia Revillo Jr. i le aai o General Santos, Filipaina, i le aso 8 o Novema, 1965, ia Carlos G. Revillo Matua ma Amparo Revillo. Sa ola ae o ia i General Santos, sa auauna atu i se misiona talai i le misiona a Filipaina Bacolod, ma faaipoipo ia Marites Enriquez Fernando Revillo i le Malumalu o Manila Filipaina i le 1989. E toafa le la fanau.

Na faauu Elder Revillo ma se faailoga tikeri i le faaenisinia tau kemikolo mai le Iunivesite o Santo Tomas i Manila i le 1986. Sa faigaluega o ia mo le 22 tausaga i tulaga eseese o le pulega mo Procter & Gamble i le Atu Filipaina, le itulagi o Asia-Pasefika, ma laumua o le kamupani i le lalolagi atoa i le Iunaite Setete. Sa faigaluega foi o ia o se taiulu o le tulaga maualuga o le saogalemu o meaai, ma le aiaiga o mataupu tau le pulega i Asia mo le Kamupani a Kellogg.

O Elder Revillo, o le sa avea ma pule o le Uelefea ma le ola tutoatasi a le Ekalesia i Filipaina i le taimi o lona valaauga, sa auauna atu o se epikopo, peresitene o le siteki, faiaoga seminare, fautua maualuga, ma o le Peresitene o le Misiona a Filipaina Quezon City mai le 2013 i le 2016.