Elder Patricio M. Giuffra

Fitugafulu o le Au Pulega Aoao

O Elder Patricio M. Giuffra sa fa tausaga le matua i le taimi na maliu ai lona tama i le kanesa. A o laitiiti, sa ia ola ae i le fesiligia o le Atua ma mafaufau pe aisea na matuai faapitoau ai Ana faaiuga.

“O lo’u tama o se tane, ma se tama, ma se tausiaiga lelei,” o tomanatunatuga ia o Elder Giuffra. “Aisea na tatau ai ona maliu o ia?”

O tali ma le malamalama na oo mai pe a ma le sefulu tausaga mulimuli ane, ina ua feiloai Patricio ma lona tina i faifeautalai faamisiona ma talia le talalelei.

O le fuafuaga o le faaolataga na tuuina atu ai ia te ia le faamoemoe aua na fesoasoani ia te ia e malamalama ai i le maliu i lona aiga. “Sa saunia e lo’u tama le ala mo i matou e auai ai i le Ekalesia,” o lana tala lea.

Mai le taimi na papatiso ai o ia, sa taula ai le talalelei a Iesu Keriso i le olaga o Elder Giuffra. “O le Ekalesia o lo’u ola lea,” o lana tala lea. “Ou te lagona e pei na avea lava au ma ni o le Ekalesia i taimi uma.”

O se taimi faapitoa na tupu i le 1989 ina ua faamauina Elder Giuffra i ona matua ma ona tei ua maliliu i le Malumalu o Ogden Iuta. Ina ua uma le sauniga, sa musumusu mai lona tina, “Na ou lagona le faatasi mai o lou tama.”

Na soifua mai Patricio Mauricio Giuffra Vargas i Valparaiso, Chile, i le aso 6 o Aperila, 1962, ia Lazaro Dante Giuffra Riffo ma Olga Rosa Vargas Canales. Sa ola ae o ia i Valparaiso, Chile, ma sa faaipoipo ia Maria Eugenia Gonzalez Olmos i le Malumalu o Santiago Chile i le 1992. E toafa le la fanau.

Sa maua e Elder Giuffra se faailoga tikeri i fefaatauaiga ma le faaliliuga/faamatalaupu mai le Iunivesite o Polika Iaga i le 1990 ma se faailoga o le matuaofaiva i le pulega faapisinisi mai le BYU i le 1994.

Sa faigaluega o ia o se pule o oloa faatau mai mo Woodgrain Millwork (1994 – 96), pule o oloa faatau atu ma le pule o le faagaoioiga mo Alvenius Chilena (1996–98), ma o le pule sili i Carbotech Chile (1998–99) ma Arcotex SA (2000 e oo mai i le taimi nei).

Sa auauna atu Elder Giuffra o se faifeautalai faamisiona i le Misiona a Chile Osorno, failautusi faapitoa a le siteki, peresitene o Alii Talavou o le siteki, epikopo, ma le peresitene o le siteki. A o lei valaauina o ia o se Fitugafulu o le Au Pulega Aoao, sa avea o ia o se Fitugafulu Eria i Amerika i Saute.