Tofiga Fou: Faufautua Faavaomalo o le Faalapotopotoga i le Eria

Na faamaonia talu ai nei e le Au Peresitene Sili se tofiga fou e taua o le faufautua faavaomalo o le faalapotopotoga i le eria. O tamaitai o e auauna atu i lenei tofiga o le a valaauina e lagolagoina taitai o le Aualofa, Tamaitai Talavou, ma le Peraimeri i eria o loo nonofo ai i le lalolagi atoa. O le a latou fesoasoani e tuuina atu aoaoga ma faufautua mo taitai i le lotoifale i fafo atu o le Iunaite Setete ma Kanata.

O le manaomia o faufautua o le eria o le a fuafuaina e le Korama a Aposetolo e Toasefululua, le Au Peresitene o Fitugafulu, ma Au Peresitene o Eria. I eria ua valaauina i ai i latou, o faufautua volenitia o le a auai foi i aufono i totonu o le eria a o latou galulue faatasi ma alii ma tamaitai o le Ekalesia i o latou lava eria. O le a latou galulue i lalo o le taitaiga a le Au Peresitene o le Eria mo le tolu i le lima tausaga.