Pumarito Ka, Sumunod Ka sa Akin

Genesis 37–50

Mga Pagkakatulad ni Jose ng Egipto at ni Jesucristo

Ang Lumang Tipan ay naglalaman ng maraming propesiya, kuwento, at simbolo na naghahayag ng buhay at misyon ng Tagapagligtas na si Jesucristo. Isa sa mga kuwentong ito ay ang tungkol kay Jose ng Egipto.

iba’t ibang imahe, tulad ng isang kordero at isang tinapay, para ilarawan ang mga pagkakatulad ni Jose ng Egipto at ni Jesucristo

Mga paglalarawan ni Andrew Colin Beck

Si Jose ng Egipto	Jesucristo
Si Jose ay isang pastol (tingnan sa Genesis 37:2).	Isa sa mga pangalan ni Cristo ay “ang mabuting pastol” (Juan 10:11).
Ipinagbili si Jose bilang isang alipin sa Egipto (tingnan sa Genesis 37:26–28).	Si Jesus ay ipinagkanulo sa 30 piraso ng pilak—ang halaga ng isang alipin (tingnan sa Exodo 21:32; Mateo 26:15).
Hindi nakilala si Jose ng kanyang mga kapatid nang pumunta ang mga ito sa Egipto upang bumili ng pagkain (tingnan sa Genesis 42:7–8).	Hindi kinilala si Cristo ng Kanyang mga tao bilang Tagapagligtas (tingnan sa Lucas 4:22, 28–29; Juan 1:10).
Inihayag ni Jose ang kanyang sarili sa kanyang mga kapatid nang dumating sila upang makipag-usap sa kanya sa ikalawang pagkakataon (tingnan sa Genesis 45:1–5).	Ihahayag si Cristo sa Israel sa Kanyang Ikalawang Pagparito (tingnan sa Mateo 24:30–31; Doktrina at mga Tipan 88:104).
Sa pagsunod sa patnubay ng Diyos, may sapat na tinapay si Jose upang iligtas ang Egipto mula sa taggutom (tingnan sa Genesis 47:13–19).	Si Jesucristo “ang tinapay ng buhay” (Juan 6:35; tingnan din sa talata 51).

Talakayan

Anong iba pang mga pagkakatulad ang napansin ninyo sa pagitan ni Jose ng Egipto at ng Tagapagligtas? Ano ang natututuhan mo mula sa paghahambing na ito na tumutulong sa iyo na mas maunawaan o mapahalagahan ang Tagapagligtas? May iba pa bang mga salaysay sa Lumang Tipan na nagpapaalala sa iyo tungkol sa buhay at misyon ni Cristo?