“Nuku’alofa, Tonga,” Liahona, Set. 2022.
Narito ang Simbahan
Nuku’alofa, Tonga
Larawang kuha ni Neil Crisp, 2021
Ang templo ng Ang Simbahan ni Jesucristo ng mga Banal sa mga Huling Araw sa Nuku’alofa ay matatagpuan malapit sa Liahona High School na pag-aari ng Simbahan. Ang mga miyembro ng Simbahan ay bumubuo ng mga 63 porsiyento ng populasyon sa Tonga, kung saan ang Simbahan ay may
-
66,400 na mga miyembro (humigit-kumulang)
-
21 stake, 2 district, 173 ward at branch, 2 mission
-
21 family history center, 1 templong ginagamit at 1 na kasalukuyang itinatayo
Muli Kaming Magkakasama
Madalas na tinitipon ni Sonasi Langi (pumanaw na) ng Kolonga, Tongatupu, ang mga miyembro ng pamilya para kumanta ng mga himno at maglagay ng mga bulaklak sa mga puntod ng kanyang ama at kapatid na babae. “Balang-araw muli kaming magkakasama,” sabi niya. “Palagay ko kakantahin pa rin namin ang mga awitin namin noon.”
Karagdagang Impormasyon tungkol sa Simbahan sa Tonga
-
Mga impormasyon, estadistika, at kasaysayan ng Simbahan sa Tonga.
-
Humawak sa gabay na bakal, sabi ni Pangulong Nelson sa mga miyembro sa isang debosyonal sa Tonga noong 2019.
-
Pagkatapos ng pagputok ng bulkan noong Enero 2022, nagpadala ang Unang Panguluhan ng liham ng pagmamahal at pag-asa sa Tonga.
-
Tumulong ang Simbahan sa mga biktima ng pagputok ng bulkan at tsunami sa Tonga.
-
Ang mga miyembro sa Tonga ay nagpadala ng mga suplay sa mga karatig na isla.
-
Ibinahagi ng isang mamamahayag ang natutuhan niya mula sa mga Banal sa mga Huling Araw na Tongan kung paano magtiis.
Malugod na tinanggap ng hari ng Tonga si Pangulong Russell M. Nelson at ang kanyang asawang si Wendy; Si Elder Gerrit W. Gong at ang kanyang asawang si Susan; at ang iba pa sa isang pagbisita sa Tonga noong 2019.
Larawang-kuha ni Jeffrey D. Allred, Deseret News
Tulad ng mga kabataang babae sa buong Simbahan, ang dalagitang ito sa Tonga ay nagtatakda ng mga mithiin at nagsisikap na maisakatuparan ang mga ito.
Makikita sa paglalarawang ito kung ano ang magiging itsura ng Neiafu Tonga Temple, ang pangalawang templo sa Tonga, kapag natapos na ang pagtatayo.
Ang tahanan ay sentro ng pag-aaral ng ebanghelyo sa Tonga, gayundin sa buong Simbahan kapag sinusunod ng mga miyembro ang tawag na “pumarito ka, sumunod ka sa akin” (Lucas 18:22).
Sa Tonga, makabuluhang paglilibang ng pamilya ang karaniwang paglalakad sa dalampasigan nang magkakasama.
Ang agrikultura ay mahalaga sa Tonga, at maraming Banal sa mga Huling Araw ang nagtatanim at nag-aani ng pagkain.
Sa Tonga, tulad sa maraming komunidad sa mga isla sa Pasipiko, ang mga dahon ng saging ay kadalasang ginagamit sa paghahanda ng pagkain ng pamilya.
Ang pagkanta ng mga himno ay mahalagang bahagi ng sama-samang pagsamba sa Tonga, tulad din sa buong Simbahan.
Ang tradisyonal na kasuotan ay may mahalagang papel sa lipunan ng mga Tongan.
Nasisiyahan ang isang binatilyo na makilala ang iba sa isang aktibidad ng mga kabataan sa meetinghouse sa Tonga.
Ang regular na pag-aaral ng mga banal na kasulatan ay tumutulong sa mga mag-asawa sa Tonga na espirituwal na umunlad.
Noong Enero 2022, isang pagputok ng bulkan ang sumalanta sa maraming bahagi ng Tonga.
Larawang kuha mula sa Malau Media, ginamit nang may pahintulot
Ang mga miyembro sa isla ng Tongatapu ay nagbigay ng mga suplay, na ikinarga sa barko upang tulungan ang mga nasa karatig na isla.