Pumarito Ka, Sumunod Ka sa Akin

Isaias 40–49

Ano ang Itinuro ni Isaias tungkol sa Pagiging Lingkod ng Panginoon?

Madalas na tinutukoy ng Panginoon ang Kanyang mga tagasunod bilang Kanyang mga lingkod o saksi. Ang mga katagang iyon ay karaniwan sa mga banal na kasulatan, at ang aklat ni Isaias ay hindi naiiba. Sa panahon ng Lumang Tipan, at maging sa ngayon, binigyan ng Panginoon ang mga tao ng mga pagkakataong maglingkod sa Kanya at maging saksi Niya.

• Habang binabasa mo ang mga kabanata 40–49 ng Isaias, hanapin ang mga pagkakataon na binanggit ng Panginoon ang “lingkod” o “saksi.” Sino ang tinutukoy Niya? Hanapin ang mga talatang nagtuturo kung paano ka magiging saksi at lingkod sa Panginoon, tulad ng Isaias 44:2.

  si Joseph Smith na nangangaral

  Joseph Smith Preaching [Nangangaral si Joseph Smith], ni Sam Lawlor © 2001

• Pagkatapos, habang binabasa mo ang mga kabanata 41–44, maaari mong isipin kung aling mga talata ang angkop sa iyong tungkulin o ministering. Ano ang ipinagagawa sa iyo ng Panginoon, at paano ka Niya tutulungan?

  tatlong babaeng nakangiti

• Anong mga oportunidad ang naibigay na sa inyo para maging lingkod o saksi ng Panginoon? Ang mga halimbawa ay maaaring isang tungkulin, misyon, pagtuturo sa iyong pamilya, o iba pang paglilingkod. Maaari mong ilista ang mga karanasang iyon sa iyong journal. Ano ang natutuhan mo mula sa kanila? Paano ka tinulungan ng Panginoon?

  mga missionary na naglilingkod

Ipagdasal na Malaman Kung Paano Tutulong

Pangulong Henry B. Eyring

“Ipanalanging makatagpo ng mga taong nadaramang bubuti pa ang kanilang buhay. Ipanalanging malaman kung paano sila tutulungan. Sasagutin ang inyong mga dalangin.”

Pangulong Henry B. Eyring, Pangalawang Tagapayo sa Unang Panguluhan, “Anak at Disipulo,” Liahona, Mayo 2003, 32.

Talakayan

Anong tulong at mga pagpapala ng langit ang dumarating sa matatapat na lingkod? (tingnan sa Isaias 41:10).