2022, Jos Odit Dipatmen Ripot
I Go long Fas Presidensi blong Jos Ia blong Jisas Kraes blong Ol Lata-dei Sent
Ol Dia Brata: Olsem we revelesen long seksen 120 long Doktrin mo Ol Kavenan, i talem, Kaonsel we i Lukaotem Mane blong Taeting—we i gat insaed Fas Presidensi, Kworom blong Olgeta Twelef Aposol mo Prisaeding Bisoprik—oli givim raet blong spendem ol mane blong Jos. Ol Jos mane we i stap go long ol samting blong Jos, i folem bajet, polisi, mo fasin blong wok we oli apruvum.
Jos Odit, we i gat ol kwalifae profesonol mo i independen long evri nara dipatmen blong Jos mo oganaesesen, i gat responsabiliti blong mekem wok blong odit blong we stamba tingting blong hem i blong givim ol stret infomesen long saed blong ol mane we oli kasem, ol mane we oli bin spendem, mo fasin blong lukaotem gud ol propeti we Jos i gat.
Folem ol odit we i bin tekem ples, Jos Odit i stap long tingting ia se, long saed blong evri samting we Jos i gat, ol kontribusen we oli bin kasem, ol mane we oli bin spendem, mo ol propeti blong Jos blong yia 2022, oli bin rekodem mo yusum folem stret fasin blong lukaot mane, wetem ol bajet we Jos i apruvum, fasin blong wok long saed blong mane mo ol polisi. Jos i folem ol fasin ia we oli tijim ol memba blong hem, blong laef folem wan bajet, no mekem kaon, mo stap sevem mane rere from wan taem blong nid.
Mi givim wetem respek,
Jos Odit Dipatmen
Jared B. Larson
Manejing Daerekta