Elda Ahmad S. Corbitt

Jeneral Atoriti Seventi

Elda Ahmad S. Corbitt i talem se, blong stap mekem wok blong givhan raon long wol olsem wan kaonsela blong Yang Man Jeneral Presidensi i bin help blong givim long niufala koling blong “wan bigfala janis blong lisin long daereksen mo instraksen we i blong profet mo aposol wetem kea mo fet we i kam antap.”

Oli singaotem hem blong givim seves long Yang Man Jeneral Presidensi long Epril 2020, Elda Corbitt i bin spenem pas tri yia blong stap wok wetem ol lida blong ol yut blong mekem ol jeneresen we oli stap kam antap blong kam strong mo blong invaetem olgeta blong kam tekpat long ol long wok blong fasin blong sevem man mo fasin blong kam olsem wan god, wetem strong tingting long olgeta.

“Mi no ting se filing blong mi blong wantem tumas blong mekem ol jeneresen we oli stap antap blong kam strong, bae i eva godaon,” hem i talem. “Bae oli kam ol moa gud lida bitim mifala from se bae oli kam antap wetem plante janis blong mekem ol wok blong sevem man mo wok blong kam olsem god long ol hae mo tabu wei.”

Ahmad S. Corbitt, we i gat 60 yia, i bon i kam long wol ia long 16 Ogis 1962 mo papa mo mama blong hem i James Earl Corbitt mo Amelia Corbitt, long Filadelfia, Pensilvania, YSA. Long 18 betdei blong hem, Ahmad i joenem Jos, we i folem mama mo sam brata mo sista blong hem i godaon long wota blong baptaes. Step papa blong hem, i kasem baptaes long nekis yia afta.

Afta we hem i bin go long Ricks Kolej (naoia hem i Brigham Yang Yunivesiti, Aedaho) mo i bin go long misin long Pueto Riko San Ruan Misin stat long 1982 i go kasem 1984, hem i bin mitim Jayne Joslin long taem blong wan yang singgel adalt tempol trip. Kapol ia i mared long Ogis 1985, insaed long Wasington D.K. Tempol. Tufala i papa mo mama blong sikis pikinini.

Elda Corbitt i gat ol digri long wanem we naoia hem i Stockton Yunivesiti long Niu Jesi mo long Rutgers Yunivesiti Skul blong Loa. Ahmad Corbitt i stap givim seves olsem presiden blong Dominik Ripablik Santo Domingo Is Misin, stek presiden, kaonsela long tu stek presidensi mo hae kaonsela.

Brata Corbitt i bin wok olsem wan loya long kot, long gavman rilesen mo olsem wan daerekta blong Jos Niu Yok Ofis blong Pablik mo Intanasonol Afea mo olsem wan eria misin speselis.