“Elda Christophe G. Giraud-Carrier,” Liahona, Mei 2023.
Elda Christophe G. Giraud-Carrier
Jeneral Atoriti Seventi
Blong kasem adalt laef, Elda Christophe G. Giraud-Carrier i gat ol bigfala plan—statem wan rod blong kolej we i gat rul kasem wan edukesen blong tekem aksen blong go long wan fultaem misin, mared yangfala swit hat blong hem, mo afta statem famli laef mo wok blong hem olsem wan enjinia long ples blong hem, Franis.
Taem we misin mo mared i tekem ples olsem we oli bin mekem plan from, sam narafala samting we oli tingting long hem, i no bin hapen olsem we oli wantem. Aksen i no bin hapen,be i gat wan transfea we i go long Brigham Yang Yunivesiti (BYY) i bin hapen, we i folem wetem wan strong filing blong wantem tij long level blong Yunivesiti. Ol wok insaed long Franis i no inaf blong wan we i kasem edukesen aotsaed long kantri, so blong lukaot long wan famli, blong gat wan defren sok, mo blong stap givim seves long Jos, i hapen long ol defren kantri mo long taemtebol blong Lod.
Elda Giraud-Carrier, “Ol smol trutok ia se sam samting we oli bin hapen long wei olsem we yumi mekem plan from, i letem mitufala tugeta blong luksave sapos mitufala i letem Lod i mekem wanem Hem i save mekem mo tekem mifala i go long ples we mifala i stap go long hem, so, hemia nao ol ples we hem i wantem mifala blong stap long hem mo long ples ia nao bae mitufala i givim seves.” “Hemia i helpem mitufala blong lanem blong trastem Hem, blong trastem se Hem i save mekem samting long laef blong yumi moa bitim wanem we yumi ting se bae yumi save mekem.”
Christophe Gérard Giraud-Carrier i bon i kam long wol ia long 21 Jenuware21, 1966, long Lyon, Franis, papa mo mama blong hem i Gérard Giraud-Carrier mo Annie Giraud-Carrier. Blong stap folem seves blong hem olsem wan fultaem misinari long Kanada Montril Misin, hem i maredem Isabelle Sophie Mauclair long Julae 1988 long Jolet, Franis. Tufala i sil tri dei afta, long Bern Switlan Tempol. Tufala i papa mo mama blong eit pikinini.
Afta we hem i kasem bajela, masta mo dokta digri long kompiuta Saens long BYY, Elda Giraud-Carrier i wok olsem wan senia tija blong Yunivesiti blong Inglan blong Bristol mo olsem wan senia maneja blong ELKA Informatique blong Switselan bifo i spenem 19 yia olsem wan profesa blong kompiuta saens long BYY.
Long taem we oli bin singaotem hem i kam wan Jeneral Atoriti Seventi, Elda Giraud-Carrier i bin stap givim seves olsem stek presiden long namba 16 stek long Provo Yuta YSA. Ol fas koling blong hem we i tekem tu, presiden blong Franis Laeon Misin, hae kaonsela mo bisop.