Sista Andrea Muñoz Spannaus

Seken Kaonsela insaed long Yang Woman Jeneral Presidensi

Olsem ol pikinini we oli stap long Ajentina, Andrea Veronica Muñoz mo fasbon sista blong hem, tufala i atendem wan Katolik skul. Tufala i neva harem ol tijing blong ol narafala relijin kasem taem we Andrea i gat naen yia. Hemia i taem we ol Lata-dei misinari oli stat blong tijim famli blong hem abaot gospel we i bin kambak.

Kwiktaem afta we ol misinari oli finisim lesen blong olgeta mo oli aot, mama blong Andrea i eksplenem se, i gat moa bitim wan relijin. Andrea i askem mama blong hem se, wijwan jos nao hem i ting se i ripresentem God. Mama blong hem i ansa, “Mi ting se hemia”—Jos Ia blong Jisas Kraes blong Ol Lata-dei Sent, abaot wanem we ol misinari ia oli jes tijim long olgeta.

Long ful laef blong hem, oltaem Andrea i bin “i wantem blong mekem wan gud samting i go long God,” so, hem i wari blong hang long wan niufala bilif. Filing ia i stap blong wan smoltaem nomo, be, wan strong filing blong wantem save moa abaot Jos i tekem ples.

Famli oli kasem baptaes, Sista Spannaus i talem se, “mo afta mifala i statem wan niufala laef.” “I tru, i wan naesfala wei we laef blong famli blong mifala i jenis blong mifala evriwan.”

Andrea Veronica Muñoz Spannaus i bon i kam long wol ia long 18 Mei, 1968, long Buenos Aeres, Ajentina, long papa mo mama blong hem, Carlos Alberto Muñoz and Elida Menicucci. Hem i groap long Béccar, Ajentina. Hem i maredem Alin Spannaus long Buenos Aeres Ajentina Tempol long Oktoba 1992. Tufala i papa mo mama blong tu pikinini gel.

Sista Spannaus i kasem wan digri long eli laef edukesen blong pikinini, mo hem i stadi long insaed disaen blong haos. Naoia hem i stap givim seves long Rilif Sosaeti Jeneral advaes kaonsel. Bifo, hem i givim seves long Saot Amerika, Saot Eria Blong Ol Yut Oli Kam Strong Konfrens Komiti, long BYS Yuta Latina Konfrens Komiti mo wetem hasban blong hem olsem wan lida blong Meksiko Kuenavaka Misin.

Hem i givim seves tu olsem wan wod Rilif Sosaeti, Yang Woman, mo Preameri presiden, eli moning seminari tija, yang singgel adalt wod advaesa long toktok lanwis Spen, mo misinari long Ajentina Resistensia Misin.