“Brata Bradley R. Wilcox,” Liahona, Mei 2023.
Brata Bradley. R Wilcox
Fas Kaonsela long Yang Man Jeneral Presidensi
Sam yia bifo hem i givim seves olsem wan kaonsela long Yang Man Jeneral Presidensi, Brata Bradley R. Wilcox mo waef blong hem, Debi, tufala i sendem boe blong tufala we i no wantem go, we i gat 14 yia i go long Especially for Youth (EFY) long Brigham Yang Yunivesiti.
Tufala i wari se hem “i no gat wan bun long bodi blong hem long saed blong spirit.” Yangfala boe i kam hom, i luk defren—i lukluk nomo moa long mo ol samting long saed blong spirit. Naoia, afta ol yia i pas, hem i stap givim seves long wan bisoprik mo stap trenem ol yut long wod blong hem.
Hemia i wanem we Brata Wilcox i lukluk long hem we i gohed blong ripit long sama we i pas taem Ol Lata-dei Sent yut raon long wol oli tekpat long ol konfrens blong, Blong Ol Yut Oli Kam Strong (BYS) I gohed blong ripitim, olgeta “we oli no sua sapos oli wantem kam” oli gobak hom mo oli defren mo kam moa gud.
Brata Wilcox—we i bin givim seves olsem Seken Kaonsela long Yang Man Jeneral Presidensi stat long 2020 mo oli bin sastenem hem long taem blong Epril jeneral konfrens 2023—i talem se, hemia i wan gudfala taem blong givim seves long Ol Lata Sent yut. Ol Presidensi blong Yang Man mo Yang Woman, oli stap wok tugeta evri dei mo “ol BYS konfrens, ol gaed buk mo magasin oli stap givhan long moa yut bitim bifo.”
Bradley Ray Wilcox we i gat 63 yia, i bin bon i kam long wol ia long Provo, Yuta, YSA long 25 Disemba 1959, mo papa mo mama blong hem i Ray T. Wilcox mo Val C. Wilcox. Hem i bin groap long Provo, be hem i bin spendem ol yia blong hem olsem wan pikinini long Itiopia.
Afta we hem i go long wan fultaem misin long Jile Vinia del Mar Misin, Brata Wilcox i bin maredem Deborah Gunnell long Provo Yuta Tempol, long Oktoba 1982. Oli papa mo mama blong fo pikinini mo oli stap Provo, Yuta.
Brata Wilcox i bin kasem bajela mo masta digri long Brigham Yang Yunivesiti (BYY) mo i kasem Dokta pepa blong hem long saed blong edukesen long Yunivesiti blong Waeoming. Hem i wan profesa long Dipatmen blong Olfala Skripja long BYY. Stat long 1985, hem i stap fetful long ol program blong BYU, EFY.
Brata Wilcox i bin givim seves olsem wan bisop mo wan stek presidensi, olsem presiden blong Jili Santiago Is Misin mo long Sandei Skul jeneral bod.