Sista Tamara W. Runia

Fas Kaonsela long Yang Woman Jeneral Presidensi

Truaot long laef blong hem, Sista Tamara (Tammy) W. Runia i bin gat sam defdefren koling—stek skripja klas instrakta, kaonsela insaed long Rilif Sosaeti Presidensi, lida wetem hasban blong hem blong Ostrelia Sidni Misin—be hem i bin spenem plante long ol seves blong hem wetem Ol Yang Woman.

“Mi laekem tumas evri koling we mi bin givim seves long olgeta,” hem, Sista Runia, we hem i givim seves tu olsem wan stek Yang Woman presiden. Be hem i ademap se, “Mi mas talem se mi filim hom taem mi stap long Ol Yang Woman.”

Sista Runia se hem i bin stap long Yang Woman kamp blong moa long 20 taem finis. Wan yia, oli iven askem hem blong kam long kamp olsem wan lida blong oganaesem ol aktiviti.

Hem i wantem evri yang woman blong save hamas Papa blong olgeta long Heven i lavem olgeta. Hem i talem se, “Lav ia “bigwan olsem skae, i dip olsem bigfala solwota.” Hem i ademap se, Papa long Heven, “i wantem olgeta evriwan blong kambak hom.

Hem i talem se, blong filim koneksen ia bae i save kam samting we i jenisim laef blong ol yang woman, “from se i bin mekem olsem long mi.”

Sista Runia i bon i kam long wol ia long 2 Maj, 1961, long Concord, Kalifonia, YSA, long papa mo mama, Vincent Alma Wood mo Gail Hilton Wood. Hem i groap long Walnut Krik, Kalifonia.

Hem i fas yia blong hem long Brigham Yang Yunivesiti mo i stap stadi blong kam nius ripota taem hem i mitim R. Scott Runia. Tufala i mared long Mei 1981 long Oklan Kalifonia Tempol. Tufala i gat seven pikinini mo naoia tufala i stap long Provo, Yuta.

Oli sastenem Sista Runia long taem blong Epril jeneral konfrens olsem Fas Kaonsela long niufala Yang Woman Jeneral Presidensi. Hem i statem seves blong hem long 1 Ogis.

Blong ademap long ol seves blong Jos, hem i bin spenem 20 yia olsem wan lida long Food and Care Coalition long Provo, we i givim ol risos blong olgeta we oli no gat ples blong stap mo ol pipol we mane we oli winim i smol.