Ol Nius blong Jos
Wan Lukluk long Faef Yia Seves blong Presiden Russell M. Nelson olsem Presiden blong Jos.
Long fas toktok blong hem long pablik olsem namba 17 Presiden blong Jos Ia blong Jisas Kraes blong Ol Lata-dei Sent, we i givim faef yia i pas, Presiden Russell M. Nelson i daerektem tingting blong man i go aot long hemwan mo lukluk i go long Jisas Kraes, afta blong oli lukluk i go fored.
Hem i talemaot se “Oltaem nomo Lod i bin, mo oltaem nomo bambae Hem i givim instraksen mo givim insperesen long ol profet blong Hem.” “Lod i stap long stia. Mifala, we oli odenem mifala blong stap ol witnes blong tabu nem blong Hem raon long wol, bambae mifala i gohed blong lukaotem blong save tingting blong Hem mo mekem folem tingting ia” (“As We Go Forward Together,” Liahona, Apr. 2018, 6).
Stap Kasem Revelesen blong Lidim Jos
Presiden Nelson i bin tekem aksen folem daereksen blong Lod taem hem i travel i go long 35 nesen, mekem jenis long oganaesesen blong Jos, yusum teknoloji blong serem gospel, daerektem Jos tru long wan wol sik, mekem ol invitesen we i stap olsem histri, mo bildimap ol brij blong andastaning.
Long taem blong seves blong hem olsem Presiden blong Jos, Presiden Nelson i bin toktok long handred mo taosen blong Ol Lata-dei Sent mo singaotem ol king, ol presiden mo praem minista. Hem i bin givim kamfot long ol viktim blong kraem mo ol narawan we oli harem nogud mo mekem ol rilesensip i kam moa strong wetem ol top lida blong National Association for the Advancement of Colored People (NAACP), i kasem invitesen blong toktok long 2019 NAACP konvensen long Ditroe, Mijigan, YSA.
Tru long revelesen mo wetem ful sapot blong Fas Presidensi mo Kworom blong Olgeta Twelef Aposol, hem i bin apruvum plante long ol jenis long saed blong polisi blong Jos.
Anda long lidasip blong hem we i givim insperesen, Ol Lata-dei Sent lida oli mekem mekem ol jenis long saed blong hom mo visiting tijing i go long wok blong givhan; jenisim taem blong Sandei miting blong mekem se i save gat taem blong mekem hom i senta blong gospel stadi we Jos i sapotem; mo askem ol memba blong yusum ful mo stret nem blong Jos. Jos i putum wan polisi i stap blong ol kapol we oli mekem sivil mared oli save sil long tempol, kwiktaem afta we oli rere; i jenisim taeting setelmen olsem taeting dikleresen; mo putum wan polisi blong letem ol woman oli givim seves olsem ol witnes blong tempol siling mo ol woman, ol yut, mo ol pikinini we oli ol memba blong Jos we i klin inaf blong givim seves olsem ol witnes blong baptaes.
“Wan long ol samting we Spirit i wokem ripitim long maen blong mi, i we, stat long niufala koling blong mi, olsem Presiden blong Jos, i wei we Lod bae i talemaot maen mo tingting blong Hem long mi,”Presiden Nelson i talem long Epril 2018 jeneral konfrens blong Jos (“Revelation for the Church, Revelation for Our Lives,” Liahona, May 2018, 94).
Long 2020Jos i selebretem 200 aniveseri blong Josef Smit, Fas Visen, i no wan bigfala selebresen be wetem ol lida blong Jos we oli invaetem Ol Lata-dei Sent raon long wol blong oltaem lanem mo lisin long voes blong Lod moa. Long wan toktok blong Presiden Nelson long Epril 2020 jeneral konfrens i presentem wan histri blong ofisol toktok se “Restoresen blong Gospel blong Jisas Kraes, we I Fulwan: Tu Handred Yia Ofisol Toktok I Go long Wol” (luk long “Lisin Gud long Hem,” Liahona, Mei 2020, 91–92)
Stap Lidim Jos truaot long KOVID-19
Wetem eksperiens blong wan paeonia hat dokta, be moa speseli olsem wan profet blong Lod, mo lida blong wan relijin we i go raon long wol, Presiden Nelson i bin lidim Jos truaot long KOVID-19 wol sik we i stat long 2020.
Help blong Ol Lata-dei Sent Jareti long wol sik ia i bin kam bigfala help long deit ia we i putum long histri blong Jos, wetem help we oli givim long moa long 150 kantri.
Long Mei 2020 intaviu wetem Church News, Presiden Nelson i talem, “Iven long ol klaod blong harem nogud, yumi save luk longfala laen blong laet i kam tru” (long Sarah Jane Weaver, “Video: President Nelson Talks about the ‘Painful’ Decision to Close Temples amid COVID-19,” Church News, July 27, 2020, thechurchnews.com). Longfala laen blong laet we i kam tru long klaod blong wol sik, hem i talem, i blong faenem ol wei blong kasem ol Ol Lata-dei Sent, be i no blong go insaed long wan plen. Tru long teknoloji, Presiden Nelson i toktok long Ol Lata-dei Sent long Venesuela mo Yurop mo tu Kalifonia, Kanada mo Oklahoma. Hem i toktok tu long ol yang adalt raon long wol.
Long Ogis 2022, Presiden Nelson i travel aotsaed long Yuta blong fastaem afta long wol sik we i kam antap long Maj 2020 blong dediketem bakegen Wasington D.K. Tempol we oli bin riperem.
I kasem Gandhi-King-Mandela Pis Praes
Morehouse College, wan kolej we i gat wan histri blong ol blak man long Jojia, YSA, i anaonsmen se bae i givim fas Gandhi-King-Mandela Pis Praes long Presiden Nelson. Skul i putum niufala ona ia long profet we i gat 98 yia long 13 Epril, 2023 long Worldhouse Interfaith mo Interdenominational Assembly long Martin Luther King Jr. Intanasonol Japel long Atlanta.
Oli putum nem ia Mahatma Gandhi, Martin Luther King Jr., mo Nelson Mandela long praes. Oli mas putum olsem, skul i talem, from wan we i bin sapotem pis mo gudfala sosol jenis tru pis mo nogat faet mo yusum hae lidasip blong olgeta blong talemaot pis, jastis, nogat seraot, serem paoa.
Presiden Nelson i akseptem praes ia tru long vidio kol, mo Tabenakol Kwaea oli singsing tru long vidio kol nomo.
Faef yia seves blong profet i bin fulap wetem strong paoa blong lavem mo respektem evriwan. Long wan program we i hapen long 2018 we oli selebretem 40 aniveseri blong1978 revelesen abaot blesing blong prishud we oli givim i go long ol memba we oli klin inaf, we oli kam long defren ples o defren kala blong skin, hem i tijim long Ol Lata dei Sent blong “bildimap ol brij blong koperesen be i no ol wol blong seperesen” (“Building Bridges,” New Era, Aug. 2018, 6).