Brata Michael T. Nelson

Seken Kaonsela long Yang Man Jeneral Presidensi

Blong Brata Michael T. Nelson, long taem blong hem olsem wan misin presiden, i konfemem se blong stap tijim ol jeneresen we oli stap kam antap long ol stret prinsipol mo afta, stap trastem olgeta, bae i givim ol bes risal—long tugeta, misinari wok mo long laef blong ol wanwan misinari.

“Hem i abaot tras. Yumi lanem blong trastem olgeta,” hem i talem from i wok wetem ol fultaem misinari long Kalifonia San Benadino Misin, long ples ia ol Nelson oli givim seves olsem ol lida blong misin stat long 1998 kasem 2001.

Brata Nelson i talem se blong stap lanem samting—mo givim janis long ol yang pipol blong lidim—i bin stap olsem wan stamba pat blong seves blong Jos blong hem mo bae i gohed blong stap long niufala koling blong hem long Yang Man Jeneral Presidensi. Blong pas tri yia, Brata Nelson i bin givim seves olsem eksekutiv sekretari blong Yang Man Jeneral Presidensi. Tu yia bifo, hem i givim seves olsem wan memba blong wanem we yumi naoia hem i Yang Man Jeneral advaes kaonsel.

Michael Terry Nelson i bon i kam long wol ia long 10 Jun, 1956, long Sol Lek Siti, Yuta, YSA, long Monte Cannon mo Viola Eliza Nelson mo groap long Sol Lek eria. Afta long seves blong hem long Jili Santiago Misin, hem i stadi long olsem wanem blong oganaesem ol komunikesen long Brigham Yang Yunivesiti blong Yuta. Long 1982 hem i maredem Barbara Fluckiger long Jordan Reva Tempol. Ol Nelson oli laef long Sandy, Yuta, bifo oli muvaot i go long Wolsbeg, Yuta. Tufala i gat naen pikinini.

Brata Nelson i wan jif faenens ofisa blong ol graon mo propeti we ol bisnis o man i stap long hem mo invesmen kampani. Famli Nelson, we i tekem tu, tufala pikinini we oli stap long hom, mo tu, oli lukaotem wan smol fam long propeti blong hem blong tufala. Blong stap aktiv mo stap spenem taem long ol aktiviti aotsaed, i mas impoten blong ol yut blong Jos, Brata Nelson i talem, from i bin stap olsem blong famli blong hem.

Brata Nelson i stap givim seves olsem wan stek presiden, kaonsela long wan stek presidensi, stek eksekutiv sekretari, bisop, mo wod mo stek Yang Man presiden. Hem i help blong mekem ol fanresing, rejistresen, mo ol lojistik long 1997 blong 150 yia blong wagon tren we i mekem fas wokbaot blong kampani we i go long Sol Lek Vale.