Elda J. Kimo Esplin

Jeneral Atoriti Seventi

Sam manis i pas, afta long misin blong hem, Elda J. Kimo Esplin, oli kasem wan aksiden we i bin kilim papa blong hem. Sam manis i jes pas nomo, wetem mama blong hem we i sidaon narasaed long hem, wan narafala trak i sperem olgeta long biaen blong trak blong olgeta. Trak i rol, mo mama mo gel blong brata blong hem tufala i ded.

Nomata long ol rabis trabol mo harem nogud we hem i bin fesem, Elda Esplin i tingting long hemwan se hem i kasem blesing. Hem i luksave se filing ia se Lod mo ol gud samting we Hem i stap mekem mo gudfala sore blong Hem.

Hem i talem se, “Laef i bin gud.”

Wan long ol fevret toktok blong hem i we, “Lod i no stap mekem hemia long yu; Hem i stap mekem blong yu.”

Afta long ded blong papa mo mama blong hem, bigfala sista blong hem i sendem hem i go long wan stadi long nara kantri i go long Brigham Yang Yunivesiti, Jerusalem Senta. Long ples ia hem i mitim Kaye Davis.

Tufala ia i kam gud fren taem grup blong olgeta i kamp long Sinae deset, oli wok long ol fil blong banana, mo stadi long OlTesteman tugeta.

Afta we tufala i kambak long Provo, Yuta, tufala i stat blong deit. Tufala i mared insaed long Sol Lek Tempol long Disemba 1985. Tufala i gat eit pikinini.

Jon Ross Kimo Esplin i bon i kam long wol ia long 18 Ogis, 1962 long Kahuku, Hawaii, YSA. Hem nao yangfala pikinini—mo wan boe ia nomo—blong Ross S. mo Olive Ora Moody Esplin we tufala i gat eit pikinini.

Elda Esplin i kasem wan digri long akaonting long Brigham Yang Yunivesiti long 1987. Afta we hem muvumaot ol famli blong hem long Jikago, Ilinoa, hem i statem wok blong hem long saed blong invesmen balong bank mo kasem wan masta digri long bisnis administresen digri.

Taem we Elda Esplin i kam eksekutiv vaes presiden mo jif faenens ofisa blong Huntsman Koperesen, famli oli muvaot bakegen blong sot taem i go long Beljiom bifo oli go stap long Kotonwud Haets long Yuta.

Elda Esplin, we hem i wan Eria Seventi long taem we oli singaotem hem olsem wan Jeneral Atoriti Seventi, i givim seves olsem wan misin presiden long Japan Tokio Saot Misin. Olsem wan Yang fultaem misinari, hem i givim seves long Japan Kobe Misin. Hem i givim seves olsem wan stek presiden, hae kaonsela, mo bisop.