Ol Haelaet blong Namba 193 Yia Jeneral Konfrens

“Yumi bin kasem gudfala kaekae long saed blog spirit long tufala dei we i pas,” Presiden Russell M. Nelson i talem long en blong 193 Yia Jeneral Konfrens blong Jos Ia blong Jisas Kraes blong Ol Lata-dei Sent (luk long pej 127). Lafet ia i tekem tu kaonsel blong luksave Sevya, Jisas Kraes—blong putum jareti, lav mo sore, mo pis i tekem ples blong raorao, (luk long Presiden Nelson, pej 98; luk tu long Elda Christofferson mo Soares, long ol pej 77 mo 85).

Presiden Nelson i talem se “Mi invaetem yu blong fiksim fasin blong yu blong stap olsem wan disaepol speseli long wei ia blong stap tritim ol nara man. “Mi blesem yu blong stretem ol fasin we i nidim blong yu save bildim respek, mo ripresentem wan tru man blong folem Jisas Kraes” (pej 98)

Wetem Presiden Nelson, ol narafala lida blong Jos oli talemaot se ansa long ol kwestin blong yumi, ol jalenj, ol tingting we oli kam slak, mo ol samting o olgeta we yumi lusum, oli faenem ansa insaed long ol tijing, Atonmen mo Laef Bakegen long Ded blong Sevya, Jisas Kraes we i Man we i givim long yumi, “presen blong pis” (Presiden Eyring, pej 29; luk tu long Presiden Oaks, pej 102; Presiden Johnson, pej 81; mo Elda Meurs, pej 39). Ol spika oli leftemap tingting blong yumi blong lukluk nomo long Sevya (luk long Elda Camargo, pej 64), wosipim Hem (luk long Elda Stevenson, pej 6), kam long Hem (luk long Presiden Cordon, pej 10), mekem ol testemoni blong yumi i kam strong abaot Hem (luk long Presiden Ballard, pej 105), givhan olsem we Hem i givhan (luk long Elda Gong mo Uceda, ol pej 16 mo 70), mo mekem fasin blong yumi blong stap wan disaepol i kam antap (luk long Elda Bednar, Rasband mo Bragg, ol pej 123, 108, mo 60).

Ol lida blong Jos tu oli leftemap tingting blong yumi blong lukaotem gud petriakel blesing blong yumi. Olgeta we oli no bin kasem petriakel blesing blong olgeta yet, oli givim kaonsel long olgeta blong prea abaot “wetaem bae i stret taem” (luk long Elda Bennett mo Yamashita, ol pej 42 mo 88).

Presiden Nelson, we i anaonsem 15 niu tempol we bae oli bildim, i rimaenem yumi se, “Jisas Kraes i risen ia blong stap bildimap ol tempol” (pej 127; luk tu long Elda Renlund, De Hoyos, mo Duncan, ol pej 35, 52, mo 95).

Yumi sastenem faef niufala Jeneral Atoriti Seventi, wan niufala Yang Woman Jeneral Presidensi, mo wan niu memba blong Yang Man Jeneral Presidensi, semtaem oli givimaot wan tangkyu wetem tru hat i go long olgeta we oli bin rilis mo olgeta we bae oli rilis long 1 Ogis, 2023.

Taem yumi visitim bakegen jeneral konfrens, stadi long ol mesej mo “tingbaot ol trutok we oli tijim” (Presiden Nelson, pej 127), bae yumi, mo olgeta we oli bin toktok, filim wan strong filing blong tokbaot, glad long, prij abaot mo testifae abaot Jisas Kraes—stamba blong fasin blong sevem yumi (luk long 2 Nifae 25:26).