2 Nefi 4–5

Jun ak’ na’ajej sa’ li yeechi’inb’il ch’och’

Eb’ laj Nefita ut eb’ laj Lamanita

eb’ li junkab’al chixsutam laj Lehi

Toj kiniman xjunkab’al laj Lehi ut li xSariah sa’ li yeechi’inb’il ch’och’. Eb’ li ralal xk’ajol ke’wan ralal xk’ajoleb’ a’an. Yoo chaq chi tixk laj Lehi. Rub’elaj lix kamik, a’an kirosob’tesiheb’ lix komon. Kixye reheb’ naq wi te’xpaab’eb’ lix taqlahom li Dios, li Qaawa’ tixtenq’aheb’.

2 Nefi 4:3–12

laj Laman ut laj Lemuel neke’ril laj Nefi

Chirix lix kamik laj Lehi, laj Nefi kixjolomi li tenamit. A’an kixye reheb’ naq te’ab’inq chiru li Qaawa’. Ke’numta xjosq’ileb’ laj Laman ut laj Lemuel. Ke’raj xkamsinkil laj Nefi re naq te’jolominq sa’ xna’aj a’an.

2 Nefi 4:13; 5:1–4

neke’b’eek li kristiaan

Li Qaawa’ kixye re laj Nefi naq taa’elq aran rochb’een lix junkab’al ut yalaq ani chik naraj xtaaqenkil li Qaawa’. Ke’b’eek chiru k’iila kutan ut ke’xtaw jun chik na’ajej te’wanq wi’.

2 Nefi 5:1, 5–8

neke’awk li kristiaan

Eb’ li ke’xtaaqe laj Nefi aj Nefita kiyeeman reheb’, ut eb’ li ke’kana aj Lamanita kiyeeman reheb’. Eb’ laj Nefita ke’xpatz’ re laj Nefi naq tixjolomiheb’. Ke’k’anjelak chi kaw. Ke’awk, ke’xk’iiresiheb’ li teep chi xul, ut ke’xkab’la jun li santil ochoch ut xkomoneb’ chik li kab’l. Eb’ laj tij ut laj k’utunel ke’xtzoleb’ chirix li Qaawa’, ut ke’saho’ xch’ool li tenamit.

2 Nefi 5:9–11, 13–17, 26–27