Eb’ laj Tzoramita

Xnimob’resinkil lix paab’aaleb’ chirix li Jesukristo

neke’b’eek laj Amulek, laj Alma, laj Korianton, ut xkomoneb’ chik laj Nefita toj sa’ jun tenamit

Jun ch’uut aj Nefita, aj Tzoramita xk’ab’a’eb’, ink’a’ neke’ab’in chiru xtaqlahom li Dios. Kiraho’ xch’ool li profeet aj Alma xb’aan a’in. A’an naxnaw naq naru naxtenq’aheb’ rik’in xk’utb’al li raatin li Dios chiruheb’. Rochb’een laj Amulek ut wankeb’ xkomon chik kixik chixtzolb’aleb’.

Alma 31:2–11

raheb’ xch’ool laj Alma ut laj Amulek, ut eb’ li tiqb’ileb’ rib’ chi chaab’il ink’a’ neke’xk’e reetaleb’ li neb’a’

Eb’ laj Tzoramita ke’xnaw ani li Dios a’b’an ke’xjal lix tzol’leb’. Ke’xloq’oniheb’ li pak’b’il dios. Ke’xk’oxla naq jwal chaab’ileb’ a’an chiruheb’ li ras riitz’in. Ke’xrahob’tesiheb’ ajwi’ li ani neb’a’.

Alma 31:1, 8–12, 24–25; 32:2–3

eb’ laj Tzoramita chaab’il xt’ikreb’ neke’xaqli sa’ li xaqarib’aal sa’ xyiheb’ li tenamit ut neke’xtaqsi li ruq’eb’ sa’ choxa

Eb’ laj Tzoramita ke’xkab’la jun taqenaqil xaqarib’aal sa’ xyiheb’ lix ch’uutleb’aal. Chi junjunqal ke’xaqli sa’ xb’een ut ke’tijok. Juntaq’eet li aatin te’xye rajlal sut neke’tijok. Sa’ xtijeb’, neke’xye naq li Dios maak’a’ xtib’el ut naq moko tz’aqal wan ta li Jesukristo. Neke’xye naq ka’ajwi’ eb’ a’an kolb’ilaqeb’ xb’aan li Dios.

Alma 31:12–23

laj Alma ut laj Amulek neke’aatinak rik’ineb’ laj Tzoramita li neb’a’eb’

Laj Alma kixraheb’ laj Tzoramita, ut kiraj naq te’xtaaqe li Dios ut li Jesus. Kitijok ut kixtz’aama re li Dios nat tixxtenq’a a’an ut eb’ li rochb’een chixtzolb’aleb’ laj Tzoramita. Laj Alma ut eb’ li rochb’een ke’nujak rik’in li Santil Musiq’ej. Koxe’k’utuq rik’in lix wankil li Dios.

Alma 31:24–38; 32:1

naab’aleb’ laj Tzoramita li neb’a’eb’ neke’rab’i laj Alma, laj Amulek, ut laj Tzeesrom chi k’utuk

Wankeb’ laj Tzoramita li ra xch’ooleb’. Ink’a’ neke’kanab’aak chi ok sa’eb’ li ch’utleb’aal xb’aan naq moko wan ta xchaab’il tik’reb’. Ke’raj loq’onink chiru li Dios a’b’an ink’a’ neke’xnaw chan raj ru te’xb’aanu wi ta ink’a’ neke’ru chi ok sa’eb’ li ch’utleb’aal. Ke’xpatz’ re laj Alma k’a’ru te’xb’aanu. Laj Alma kixk’ut chiruheb’ naq li Dios narab’i lix tijeb’, maak’a’ naxye b’ar wankeb’.

Alma 32:2–12; 33:2–11

laj Alma naxchap jun ch’ina iyaj ut naxk’ut chiruq’ jun ch’ina-usil ratz’um najt xteram

Laj Alma kixye naq li Dios naraj naq te’wanq xpaab’aal li kristiaan. A’an kixjuntaq’eeta li raatin li Dios rik’in jun iyaj. Wi li kristiaan te’raw li raatin li Dios sa’ xch’ooleb’, li iyaj a’an taak’iiq ut te’xnaw naq yaal li raatin li Dios. Kixye naq wi ta yal te’raj paab’ank, te’ruuq chixtikib’ankil xk’anjelankil lix paab’aaleb’.

Alma 32:12–43

na’aatinak laj Amulek ut chixk’atq a’an wan xjalam-uuch li Jesukristo naq naxtzoleb’ li kristiaan

Chirix a’an laj Amulek kixtzoleb’ li kristiaan chirix li na’leb’ kixk’uub’ li Dios choq’ reheb’ li ralal xk’ajol. Kixye naq sa’ xk’ab’a’ li Jesukristo, taaruuq te’kuye’q xmaak chixjunileb’. Kixk’ut ajwi’ chiruheb’ naq te’tijoq chiru li Dios ut kixye naq li Dios tixtenq’aheb’ ut tixkoleb’ rix.

Alma 34

eb’ laj k’aak’alenel tenamit neke’rileb’ laj Tzoramita li neb’a’eb’ chi elk sa’ li tenamit

Lix k’ihaleb’ laj Tzoramita li neb’a’eb’ ke’xpaab’ li raatin laj Alma ut laj Amulek. A’b’anan, ke’josq’o’ laj jolominel sa’ xb’eeneb’ laj Tzoramita. Ke’risiheb’ laj paab’anel sa’ li tenamit.

Alma 35:1–6

eb’ laj Anti-Nefi-Lehi neke’xk’uleb’ laj Tzoramita li neb’a’eb’

Eb’ laj paab’anel ke’nume’ chi wank rik’ineb’ laj Anti-Nefi-Lehi. Eb’ laj Anti-Nefi-Lehi ke’k’anjelak chiruheb’, ke’xk’e li tzakemq, li t’ikr, ut li ch’och’ reheb’.

Alma 35:9