Helaman 3–6

Laj Nefi ut laj Lehi, ras riitz’ineb’ rib’

Rab’inkil jun xyaab’ kuxej chalen chaq sa’ choxa

laj Nefi ut laj Lehi neke’xtzoleb’ li tenamit, ut wan chi nach’ jun teep aj pleet aj Lamanita

Laj Nefi ut laj Lehi a’aneb’ ras riitz’ineb’ rib’ li ke’raj naq chixjunileb’ te’rab’i resil lix evangelio li Jesukristo. Ke’wan laj Nefita ut laj Lamanita sa’ jun nimla pleet, a’b’an laj Nefi ut laj Lehi toj ke’xtzoleb’ laj Nefita ut eb’ laj Lamanita. Sa’ jun li kutan naq wankeb’ sa’ b’e re xtzolb’aleb’ li tenamit, jun teep aj pleet aj Lamanita ke’xk’eheb’ sa’ tz’alam.

Helaman 3:20–21, 37; 4:4–5, 14; 5:4–21

jun teep aj pleet aj Lamanita nab’eek sa’ xjayal li tz’alam wankeb’ wi’ laj Nefi ut laj Lehi

Chirix xnumik k’iila kutan, li teep aj pleet kiwulak sa’ li tz’alam re xkamsinkil laj Nefi ut laj Lehi.

Helaman 5:22

jun siram re xam naxkoleb’ rix laj Nefi ut laj Lehi, neke’t’ane’ laj pleet, ut nak’utun jun choql re q’ojyin

Naq maji’ ke’ru chixrahob’tesinkil laj Nefi ut laj Lehi, kik’utun jun siram re xam li kixsutiheb’ rix. Li xam ink’a’ ke’xk’ateb’. Li Dios kixkoleb’ rix. Chirix a’an kihiikan li ch’och’. Ke’reek’a naq maare te’t’ane’q lix tz’akil li tz’alam. Chirix a’an, keʼmoyeʼ chixjunileb’ chik sa’ li tz’alam xbʼaan jun choql re qʼojyin. K’a’jo’ naq ke’ok chi xuwak.

Helaman 5:23–28

eb’ li tenamit neke’xaqli sa’ xyi li choql re q’ojyin ut neke’ilok wan wi’ jun xaqal li saqen

Ki’ab’iman jun xyaab’ kuxej li nachal chalen chaq sa’ xb’een li choql re q’ojyin. Ch’anch’o a’an, jo’ jun hasb’, a’b’an li tenamit ke’reek’a sa’ raameb’. A’an lix yaab’ xkux li Dios. Li Dios kixye reheb’ naq te’xjal xk’a’uxl.

Helaman 5:29–30, 46–47

eb’ li winq ut ixq neke’ilok taqe’q chiruheb’ li jek’inb’il choql re q’ojyin

Li ch’och’ ut li tz’alam ke’chiiq’an wi’chik. Kichal wi’chik li xyaab’ kuxej ut ke’xye reheb’ li tenamit naq te’xjal xk’a’uxl. Eb’ li tenamit ink’a’ ke’ru chi eek’ank xb’aan li choql ut xb’aan lix xiweb’.

Helaman 5:31–34

laj Aminadab naxk’ut chi ruq’ laj Nefi ut laj Lehi, li neke’lemtz’en ut neke’ilok taqe’q

Jun winq sa’ xyanqeb’ a’an laj Aminadab xk’ab’a’. Junxil kiwan jo’ komon sa’ lix Iglees li Dios. A’an kixk’e reetal naq ke’ok chi lemtz’unk lix naq’eb’ ru laj Nefi ut laj Lehi. Ke’lemtz’un chanchaneb’ li anjel. Neke’aatinak chanchan naq neke’aatinak rik’in junaq li wan sa’ choxa. Laj Aminadab kixye reheb’ chixjunileb’ naq te’xka’ya laj Nefi ut laj Lehi.

Helaman 5:35–39

naab’aleb’ li winq ut ixq neke’ilok taqe’q chiruheb’ li jek’inb’il choql re q’ojyin ut neke’tijok

Li tenamit ke’xpatz’ re laj Aminadab k’a’ru te’xb’aanu re risinkil li choql re q’ojyin. Laj Aminadab kixwotz li k’a’ru kixnaw chirix li Dios ut li Jesus. Kixye reheb’ li tenamit naq te’xjal xk’a’uxl, naq te’xpaab’ li Jesus, ut naq te’tijoq chiru li Dios. Eb’ li tenamit ke’ab’in chiru laj Aminadab. Ke’tijok toj reetal naq ki’isiman li q’ojyin.

Helaman 5:40–42

neke’tijok li tenamit chi sutinb’ileb’ rix xb’aan li saqen ut li xam

Li xam re li Dios kixsutiheb’ rix li tenamit a’ut ink’a’ kixk’ateb’. Li tenamit ke’nujak rik’in li Santil Musiq’ej ut ke’saho’ sa’ xch’ool. Ke’xyaab’asi chaq’al ruhil aatin. Kichal wi’chik li xyaab’ kuxej. Kixye reheb’ naq te’wanq xtuqtuukilal sa’ xk’ab’a’ lix paab’aaleb’ chirix li Jesus. Ke’k’ulun li anjel ut ke’k’anjelak chiruheb’ li tenamit.

Helaman 5:43–49

laj Nefi ut laj Lehi neke’el sa’ li tz’alam, ut eb’ li tenamit neke’ilok

Laj Nefi, laj Lehi, ut chixjunileb’ li tenamit ke’el sa’ li tz’alam. Ke’xye re naab’aleb’ li tenamit chiru li ch’och’ k’a’ru ke’ril ut ke’rab’i sa’ li kutan a’an. Lix k’ihaleb’ laj Lamanita ke’paab’an ut ke’xsik’ ru xtaaqenkil li Jesus. Ke’xkanab’ pleetik sa’ li nimla pleet. Sa’ xna’aj a’an, ke’xtenq’aheb’ li tenamit chixpaab’ankil li Jesus ut chixjalb’aleb’ xk’a’uxl.

Helaman 5:50–52; 6:1–6