1 Nefi 17–18

Jun jukub’ re xq’axb’al ru li palaw

Li kawresink-ib’ re xik sa’ li yeechi’inb’il ch’och’

eb’ li junkab’al chire li palaw

Li ch’och’ Naab’alil nujenaq rik’in li ru cheʼ joʼ ajwiʼ xyaʼal kabʼ. Jwal ch’ina-us li wank aran. Lix junkab’al laj Lehi ut li xSariah ke’kana chire li palaw ut kiwan chixjunil li nak’anjelak reheb’.

1 Nefi 17:5–6

laj Nefi natijok

Chirix k’iila kutan, li Qaawa’ kixye re laj Nefi naq taataqe’q sa’ li tzuul re tijok. Aran, li Qaawa’ kixye re naq tixyiib’ jun li jukub’ re xk’amb’al lix junkab’al chixjunpak’al li palaw.

1 Nefi 17:7–8

laj Nefi narileb’ li pek

Li Qaawa’ kixk’ut chiru laj Nefi chan ru xyiib’ankil li jukub’. A’b’an laj Nefi ink’a’ kixnaw b’ar tixtaw li ch’iich’ re xyiib’ankileb’ li k’anjeleb’aal. Li Qaawa’ kixk’ut chiru laj Nefi b’ar taasik’oq re xtawb’al li ch’iich’.

1 Nefi 17:8–10

laj Nefi nak’anjelak naq neke’aatinak laj Laman ut laj Lemuel

Moqon, laj Nefi kixyiib’ jun li xam re xyiib’ankileb’ li k’anjeleb’aal. Laj Laman ut laj Lemuel ke’ril li yoo chixb’aanunkil laj Nefi. Ink’a’ ke’raj xtenq’ankil chixyiib’ankil li jukub’. Ke’xk’oxla naq moko us ta xyalb’al xq’axb’al ru li palaw.

1 Nefi 17:11, 16–18

laj Laman ut laj Lemuel neke’josq’o’ rik’in laj Nefi

Laj Laman ut laj Lemuel ink’a’ ke’xpaab’ naq li Qaawa’ kixye re laj Nefi naq tixyiib’ jun li jukub’. Laj Nefi kixpatz’ reheb’ k’a’ut naq toj maak’a’ xpaab’aaleb’ chirix li Qaawa’. Kixjultika reheb’ li ras naq ke’ril jun li anjel ut ke’xnaw ru xwankil li Qaawa’. K’a’jo’ naq ke’josq’o’ laj Laman ut laj Lemuel, jo’kan naq ke’raj xkamsinkil laj Nefi.

1 Nefi 17:18–19, 45–48

laj Laman ut laj Lemuel chi ch’och’

A’b’an laj Nefi nujenaq rik’in lix wankil li Dios. Laj Nefi kixq’us laj Laman ut laj Lemuel, kixye naq ink’a’ te’xch’e’. Ke’xuwak ut ink’a’ ke’xyal xch’e’b’al laj Nefi chiru k’iila kutan. Toja’ naq li Qaawa’ kixye re laj Nefi naq tixye’ li ruq’ reheb’ li ras. Naq laj Nefi kixye’ li ruq’ reheb’, ke’siksot xb’aan lix wankil li Qaawa’.

1 Nefi 17:48, 52–55

chixjunileb’ neke’k’anjelak re xyiib’ankil li jukub’

Laj Laman ut laj Lemuel ke’xloq’oni li Qaawa’ ut ke’tenq’an chixyiib’ankil li jukub’. Laj Nefi kitijok k’iila sut re xpatz’b’al xtenq’ li Qaawa’. Ch’ina-us li jukub’ li ke’xyiib’ lix junkab’al laj Nefi. Chirix xnumik k’iila kutan, kiyaalo’ li jukub’, ut ke’xk’e reetal naq chaab’il a’an. Lix junkab’al laj Nefi ke’xnaw naq li Qaawa’ xtenq’ank reheb’.

1 Nefi 18:1–4