Li Jesus naxtzol li tenamit

Xtenq’ankileb’ chixtzolb’al lix evangelio

li Jesukristo nawiq’la ut na’aatinak rik’ineb’ li kok’al, ut wiq’wookeb’ ajwi’ li kristiaan saheb’ xch’ool chixsutameb’

Li kristiaan sa’ li ch’och’ America ke’saho’ xch’ool chirilb’al li Jesukristo ut chirab’inkil chi k’utuk Ak neke’royb’eni lix k’ulunik li Kolonel chiru k’iila chihab’.

3 Nefi 11:10, 17

li Jesukristo naxaqli sa’ xyanqeb’ li kristiaan saheb’ xch’ool ut naxtzoleb’

Li Jesus kixk’ut li na’leb’ chiruheb’ li xk’ut ajwi’ chiruheb’ li kristiaan aran Jerusalen. Kixtzoleb’ chirix li paab’ank, li jalb’a-k’a’uxlej, ut li kub’iha’. Wi te’xb’aanu a’an, li Dios tixtaqla li Santil Musiq’ej reheb’. Li Jesus kixk’ut chiruheb’ chan ru naq te’tijoq. Kixpatz’ reheb’ naq te’xkuy xmaakeb’ chirib’ileb’ rib’. Kiraj naq te’xk’ut li chaab’ilal chiruheb’ li ras riitz’in.

3 Nefi 11:31–39; 12:22–24, 44; 13:5–14; 17:8; 18:15–24

Li Jesus kixye reheb’ li kristiaan naq te’q’ajq sa’ rochocheb’ ut te’tijoq chiru li Dios re naq a’an taaruuq tixtenq’aheb’ chixtawb’al ru li kixk’ut chaq a’an chiruheb’. Kixye naq wulajaq taasutq’iiq.

3 Nefi 17:1–3

eb’ li kristiaan neke’chunla chixsutam li xam ut neke’raatina rib’ chirib’ileb’ rib’

Sa’ li q’ojyin a’an, li kristiaan ke’xye re jalaneb’ chik naq xe’ril li Jesus. Ke’xseraq’i k’a’ru kixye ut k’a’ru kixb’aanu. Ke’wan naab’al li ke’b’eek chiru chixjunil li q’ojyin re te’ril li Jesus.

3 Nefi 19:1–3

eb’ li tzolom neke’k’utuk chiruheb’ li kristiaan

Sa’ li kutan jun chik, li kristiaan ke’xch’utub’ rib’ rik’ineb’ lix tzolom li Jesus li kab’lajuheb’. Eb’ li tzolom ke’xk’ut chiruheb’ li kristiaan chixjunil li na’leb’ kixk’ut li Jesus. Ke’xwiq’ib’ rib’ chi ch’och’ ut ke’tijok.

3 Nefi 19:4–8

li Jesukristo nawiq’la ut natijok, ut eb’ li kristiaan neke’wiq’la ut neke’tijok ajwi’

Kichal li Jesus. A’an kitijok choq’ reheb’ lix tzolom ut eb’ li kristiaan. Eb’ li tzolom ke’tijok ajwi’. Ke’ok chi lemtz’unk jo’ li Kolonel. Kisaho’ xch’ool li Jesus. Ke’saqo’ li tzolom xb’aan lix paab’aaleb’ chirix li Jesus. Li Jesus kitijok wi’chik, ut li kristiaan ke’rab’i chi yehok aatin k’a’jo’ xch’ina-usal.

3 Nefi 19:15–36

jun ch’ina al sa xch’ool naxb’oq jun kristiaan chi chalk ut chixch’utub’ankil rib’ rik’ineb’ li neke’abin re li Jesukristo

Chiru xnumik wiib’ oxib’ kutan, li Jesus kixk’ut k’iila na’leb’ chiruheb’ li kristiaan chirix lix k’uub’anb’il na’leb’ li qaChoxahil Yuwa’. Kixwotz ajwi’ rik’ineb’ li loq’laj wa’ak. Chixjunileb’ li kristiaan sa’ li ch’och’ ke’xpaab’ li Jesus ut ke’kub’e xha’. Ke’xk’ul li maatan re li Santil Musiq’ej.

3 Nefi 20–27; 4 Nefi 1:1–2

li kristiaan neke’xtenq’a rib’ chirib’ileb’ rib’ chi chalk rik’in li Jesukristo, ut li Jesukristo na’aatinak rik’ineb’ ut nase’ek

Li kristiaan ke’xtenq’a rib’ chirib’ileb’ rib’ ut ke’xwotz chixjunil li k’a’ru wan reheb’. Ke’xb’aanu chixjunil li kixtaqla li Jesukristo. Aʼanebʼ ke’k’ab’a’iik lix Iglees li Kristo. Li qaChoxahil Yuwa’ ut li Jesukristo ke’saho’ xch’ool chirixeb’ li kristiaan.

3 Nefi 26:17–21; 27:30–31; 4 Nefi 1:3–18