Alma 53; 56–57

Jun saajil teep aj pleet

Eb’ li alalb’ej li ke’xkananb’ rib’ chiru li Dios

eb’ li saaj aj pleet rik’ineb’ li ramleb’, li jutz’juukil che’, ut li yok’leb’ ch’iich’

Eb’ laj Nefita wankeb’ sa’ jun nimla pleet rik’ineb’ laj Lamanita, ut ke’raj ru xtenq’ankil. Eb’ laj Anti-Nefi-Lehi ke’raj tenq’ank. A’b’an ak ke’xyeechi’i re li Qaawa’ naq ink’a’ te’pleetiq. Wiib’ mil reheb’ lix saaj alal ink’a’ okenaqeb’ sa’ li yeechi’ihom a’an. Eb’ li alalb’ej ke’xyeechi’i naq te’pleetiq re xkolb’aleb’ rix lix junkab’al. Eb’ li alalb’ej a’in ke’nawman ru jo’ li saaj aj pleet.

Alma 53:8, 13–18, 22; 56:1–8

laj Helaman naxb’eresiheb’ li saaj aj pleet sa’ xjayal jun tenamit

Eb’ li saaj aj pleet ke’xsik’ ru li profeet aj Helaman choq’ aj jolominel reheb’. A’aneb’ jun ch’uut q’axal ka’ch’in naq juntaq’eetanb’ileb’ rik’in li nimla teep aj pleet reheb’ laj Lamanita. A’b’an laj Helaman kixnaw naq maak’a’eb’ xb’alaq’, kaweb’ xch’ool, ut tiikeb’ chi paab’ank li saaj aj pleet. Rik’in laj Helaman sa’ xjolomileb’, ke’raj xtenq’ankileb’ laj Nefita.

Alma 53:19–22; 56:9–10, 17, 19

eb’ li saaj aj pleet neke’xyiib’ jun kawil na’ajej rochb’eeneb’ laj pleet aj Nefita, ut eb’ li na’b’ej yuwa’b’ej neke’xk’am li tzakemq

Lub’luukeb’ laj pleet aj Nefita. A’b’an, naq ke’k’ulun li saaj aj pleet, ke’saho’ xch’ool laj Nefita. Li saajil teep kixk’e xyo’onihomeb’ ut xkawilaleb’. Sa’ komonil, ke’xkawresi rib’ re xpleetinkileb’ laj Lamanita. Eb’ lix na’ xyuwa’eb’ li saaj aj pleet ke’tenq’an ajwi’ rik’in xk’amb’al li tzakemq ut li k’a’ru taak’anjelaq reheb’.

Alma 56:16–17, 19–20, 22, 27

eb’ laj jolominel aj Nefita ut jun saaj aj pleet neke’xch’utub’ rib’ sa’ jun muheb’aal t’ikr

Eb’ laj Lamanita ak ke’xchapeb’ naab’al li tenamit ut ke’xk’eheb’ lix teep aj pleet aran. Eb’ laj jolominel aj Nefita ke’raj xk’eeb’aleb’ chi elk laj Lamanita sa’ jun reheb’ li tenamit. Ke’xk’uub’ xna’leb’ ut ke’xpatz’ reheb’ li saaj aj pleet naq te’tenq’anq.

Alma 56:18–30

jun teep aj pleet aj Lamanita nachal rik’ineb’ lix k’anjeleb’aal re pleet chiruheb’ li saaj aj pleet

Eb’ li saaj aj pleet ke’xpak’ naq yookeb’ chixk’amb’al li tzakemq reheb’ laj Nefita sa’ jun tenamit nach’ wan aran. Naq eb’ laj Lamanita ke’ril li ch’ina ch’uut, ke’el chaq sa’ lix tenamit ut ke’ok chixtaaqenkileb’ li saaj aj pleet. Eb’ laj Lamanita ke’xk’oxla naq moko ch’a’ajaq ta xchapb’aleb’.

Alma 56:30–36

eb’ li saaj aj pleet neke’b’eek sa’ jun tzol najt roq, jun teep aj pleet aj Lamanita naxtaaqeheb’, ut jun teep aj pleet aj Nefita naxtaaqe li teep aj pleet aj Lamanita

Eb’ li saaj aj pleet ke’eelelik chiruheb’ laj Lamanita. Toja’ naq jun teep aj pleet aj Nefita ke’ok chixtaaqenkileb’ laj Lamanita. Eb’ laj Lamanita ke’raj xtawb’aleb’ li saaj aj pleet rub’elaj naq eb’ laj Nefita ke’xtaweb’ a’an. Eb’ laj Nefita ke’xk’e reetal naq xiwxiw xwanjikeb’ li saaj aj pleet, ut ke’xseeb’a rib’ re xtenq’ankileb’.

Alma 56:36–41

jun saaj aj pleet naxsik’ xkomoneb’ chik teep aj pleet ut yoo xk’a’uxl

Chirix naab’al hoonal, eb’ li saaj aj pleet ink’a’ ke’ru chik chirilb’aleb’ laj Lamanita. Ke’ok chixpatz’b’al ma ke’tawe’ laj Lamanita xb’aaneb’ laj Nefita ut ma yookeb’ chixpleetinkil rib’.

Alma 56:42–43

laj Helaman naxtaqsi lix yok’leb’ ch’iich’

Ki’ok xk’a’uxl laj Helaman. Kixk’oxla naq maare eb’ laj Lamanita yookeb’ chixb’alaq’inkileb’. A’an kixpatz’ reheb’ li saaj aj pleet ma te’xik chixpleetinkileb’ laj Lamanita.

Alma 56:43–44

eb’ li saaj aj pleet neke’xtaqsi lix yok’leb’ ch’iich’

Kijultiko’ reheb’ li saaj aj pleet li ke’xk’ut lix na’eb’ chiruheb’. Eb’ lix na’ ke’xk’ut chiruheb’ naq te’xpaab’ li Dios ut ink’a’ te’wiib’anq xch’ool, xb’aan naq a’an tixkoleb’ rix. Eb’ li alalb’ej a’in ke’xpaab’ li Dios ut ke’raj xb’aanunkil li k’a’ru ke’xyeechi’i re xkolb’aleb’ rix lix junkab’al. Ke’xye re laj Helaman naq yo’oon wankeb’ chi xik ut chi pleetik.

Alma 56:46–48

laj Helaman nab’eek rik’ineb’ li saaj aj pleet

Kisach xch’ool laj Helaman xb’aan xkawilaleb’ xch’ool. Kixb’eresiheb’ ch pleetik rik’ineb’ laj Lamanita.

Alma 56:45, 49

laj Helaman ut eb’ li saaj aj pleet neke’xaqli chi tzuul rik’ineb’ lix k’anjeleb’aal re pleet

Eb’ li saaj aj pleet ke’ril naq yookeb’ chi pleetik laj Lamanita ut laj Nefita. Ak ke’lub’ laj Nefita. Sache’k raj reheb’ naq ke’wulak li saaj aj pleet.

Alma 56:49–52

eb’ laj pleet aj Nefita neke’xuwak

Eb’ li saaj aj pleet ke’pleetik rik’in xmetz’ew li Dios. Eb’ laj Lamanita ke’xxuwaheb’ ut ke’xkanab’ pleetik. Eb’ li saaj aj pleet ke’tenq’an sa’ xq’axb’al ru li pleet!

Alma 56:52–54, 56

laj Helman naxye’ li ruq’ reheb’ li saaj aj pleet

Sa’ li pleet, ke’kam naab’aleb’ laj Nefita ut laj Lamanita. Laj Helaman kixk’oxla naq maare kamenaqeb’ ajwi’ junjunq reheb’ li saaj aj pleet. A’b’an chirix li pleetik, laj Helaman kirajlaheb’ chixjunileb’. Kisaho’ xch’ool naq kixk’e reetal naq maajun reheb’ li saaj aj pleet xkamsiik. Li Dios kixkoleb’ rix.

Alma 56:55–56

wankeb’ xtoch’olaleb’ li saaj aj pleet ut neke’xaqli sa’ komonil

Ke’wan chik li alalb’ej li ke’xjunaji rib’ rik’ineb’ li saaj aj pleet. Toj ke’xtenq’aheb’ laj Nefita chi pleetik. Sa’eb’ li pleet a’an, chixjunileb’ li saaj aj pleet ke’toch’e’, a’b’an maajun reheb’ kikam. Kijultiko’ reheb’ li k’a’ru ke’xk’ut lix na’eb’ chiruheb’. Ke’xkanab’ rib’ sa’ ruq’ li Dios, ut a’an kixkoleb’ rix.

Alma 57:6, 19–27; 58:39–40