Alma 51–52

Laj Teankum

Xkolb’al rix lix tenamit

laj Teankum na’aatinak rik’in laj Moroni aj taqlanel

Laj Teankum a’an jun aj jolominel sa’ lix teep aj pleet laj Moroni. A’an kixyal xq’e chixkolb’aleb’ rixeb’ li tenamit aj Nefita chiruheb’ laj Lamanita.

Alma 50:35; 52:19

laj Amalikiah ut eb’ laj teep aj Lamanita rik’ineb’ lix k’anjeleb’aal re pleet

Laj Amalikiah a’an chaq jun aj Nefita li ki’ok choq’ xreyeb’ laj Lamanita. Kiraj ajwi’ awa’b’ejink sa’ xb’eeneb’ laj Nefita. Kixpleetiheb’ laj Nefita ut kireechani naab’aleb’ li tenamit.

Alma 47:1, 35; 48:1–4; 51:23–28

nab’eek li teep aj pleet aj Nefita

Lix teep aj pleet laj Teankum xkoheb’ re xramb’al lix teep aj pleet laj Amalikiah re naq ink’a’ chik te’xpleetiheb’ li tenamit aj Nefita.

Alma 51:28–30

eb’ li teep aj pleet neke’ril rib’ naq yoo chi kub’eek li saq’e

Eb’ li teep aj pleet ke’xpleeti rib’ chiru chixjunil li kutan. Laj Teankum ut lix teep aj pleet ninqeb’ xmetz’ew ut xseeb’al chiru lix teep aj pleet laj Amalikiah. A’b’an maajun reheb’ li teep kiru chi numtaak. Naq kiq’ojyino’, eb’ li teep aj pleet ke’xkanab’ pleetik re naq te’ruuq chi hilank.

Alma 51:31—32

laj Teankum chunchun chiru li xam

A’b’an laj Teankum ink’a’ kihilan. Rochb’een lix moos, a’an ki’ok chi muqmu sa’ xteep laj Amalikiah.

Alma 51:33

laj Teankum naxaqli sa’ xsaqenkil li po chirix lix muheb’aal t’ikr laj Amalikiah

Laj Teankum ki’ok chi muqmu sa’ lix muheb’aal t’ikr laj Amalikiah. Kixkamsi laj Amalikiah rub’elaj naq kiru chi ajk laj Amalikiah. Toja’ naq laj Teankum kisutq’i sa’ lix teep ut kixye reheb’ laj pleet naq te’xkawresi rib’ re pleetik.

Alma 51:33–36

eb’ laj Lamanita neke’aj ut neke’xuwak

Naq ke’aj laj Lamanita, ke’xtaw chi kamenaq laj Amalikiah. Ke’xk’e ajwi’ reetal naq laj Teankum ut lix teep aj pleet ak kawresinb’ileb’ chixpleetinkileb’.

Alma 52:1

eb’ laj Lamanita neke’eelelik chiru lix teep aj pleet laj Teankum

Eb’ laj Lamanita ke’xuwak ut ke’eelelik. Lix k’uub’anb’il na’leb’ laj Teankum kixk’eheb’ chi xuwak laj Lamanita, jo’kan naq ink’a’ chik ke’xpleetiheb’ li tenamit aj Nefita. Anajwan kiwan xhoonal laj Teankum re xkawob’resinkileb’ li tenamit aj Nefita. Kik’anjelak chi kaw re xkolb’al rix lix tenamit. Kiru chixkolb’al rix k’iila tenamit aj Nefita.

Alma 52:2–10