“Li na’leb’ chirix lix Hu laj Mormon,” Eb’ li Seraq’ sa’ lix Hu laj Mormon (2023)
Li na’leb’ chirix lix Hu laj Mormon
li Jesukristo ut lix tenamit sa’ li ch’och’ America
Lix Hu laj Mormon a’an jun loq’laj hu. Nokoxtzol chirix li Qaawa’ Jesukristo ut lix k’ulunik sa’ li ch’och’ America najter chaq. Sa’ lix Hu laj Mormon naru nokotzolok chirix lix evangelio li Jesus. Naxk’ut chiqu chan ru naq taqak’ul tuqtuukilal anajwan ut chan ru naq tooruhanq chi q’ajk rik’in li Dios ut li Jesus sa’ junaq kutan.
Li perel re xjolomil li aatin saʼ lix Hu laj Mormon; xtikib’ankil lix Hu laj Mormon; 3 Nefi 11
Lix Hu laj Mormon kitz’iib’aak xb’aaneb’ lix profeet li Dios. Ke’tz’iib’ak chiruheb’ perel ch’iich’. Eb’ lix seraq’ ut lix nawomeb’ xch’ool nokohe’xtenq’a chixpaab’ankil li Jesus. Ke’tz’iib’ak chirix k’iila ch’uut chi kristiaan li ke’wan sa’ li ch’och’ America junxil chaq.
Li perel re xjolomil li aatin saʼ lix Hu laj Mormon; xtikib’ankil lix Hu laj Mormon
Jun ch’uut kiwulak chalen Jerusalen toj sa’ li ch’och’ America naq wan na 600 chihab’ ma nayo’la li Jesus. Kixjach rib’ sa’ wiib’ chi ch’uut, eb’ laj Lamanita ut eb’ laj Nefita xk’ab’a’eb’.
Xtikib’ankil lix Hu laj Mormon; 1 Nefi 1:4
K’iila chihab’ chaq chiru a’an, jun chik li ch’uut kiwulak chalen li najt xteramil kab’l re Babel toj sa’ li ch’och’ America. Aj Jaredita kiyeeman reheb’.
Xtikib’ankil lix Hu laj Mormon; Eter 1:33–43
Eb’ lix profeet li Dios ke’xtzoleb’ li tenamit. Naq ke’ab’in li tenamit ut ke’xpaab’eb’ lix taqlahom li Dios, a’an kixtenq’aheb’. Eb’ li profeet ke’k’utuk chirix li Jesus ut ke’xye naq taayo’laaq aran Jerusalen. Eb’ laj Nefita ut eb’ laj Lamanita ke’xtzol naq li Jesus taarula’aniheb’ chirix naq taakamq.
2 Nefi 1:20; 25:12–14; 26:1, 3, 9; Mosiah 3:5–11; Alma 7:9–13; Helaman 3
Li Jesus kichal, jo’ ke’xye li profeet. Chirix naq li Jesus kikam ut kiwakli chi yo’yo, kirula’ani li tenamit. A’an kixkanab’ li junjunq chireek’ankil li reetalil li klawx sa’ ruq’ ut saʼ roq. Ke’xnaw naq li Jesus a’an li Ralal li Dios. A’an kixk’ut li evangelio, ut eb’ a’an ke’xtz’iib’a. Ke’aatinak chirix li Jesus chiru k’iila chihab’.
3 Nefi 11:7–15, 31–41; 16:4; 4 Nefi 1:1–6, 13–22
Laj Mormon a’an jun profeet kiwan chaq wiib’ oxib’ cient chihab’ chirix li rula’anihom li Jesus. Chiru xyu’am laj Mormon, li tenamit ke’xkanab’ xtaaqenkil li Qaawa’. Wan rik’in laj Mormon lix tz’iib’ahomeb’ li profeet li ke’chal chiru. A’an kixk’e naab’aleb’ reheb’ lix tz’iib’ahom chiruheb’ li perel ch’iich’. Eb’ li perel ch’iich’ a’an ke’ok choq’ lix Hu laj Mormon.
Xtikib’ankil lix Hu laj Mormon; Raatin laj Mormon 1:2–9; Mormon 1:2–4, 13–17
Rub’elaj lix kamik laj Mormon, a’an kixk’eheb’ li perel ch’iich’ re laj Moroni, li Ralal. Chiru xyu’am laj Moroni, q’axaleb’ aj maak li tenamit. Ke’raj xkamsinkil yalaq ani napaab’ank re li Jesus. Laj Moroni kiraj xtenq’ankil lix tenamit sa’ junaq kutan chalel, jo’kan naq kixtz’iib’a xkomon chik xna’leb’ chiruheb’ li perel ch’iich’ ut kixmuqeb’ chi ch’och’ re xkolb’aleb’ rix.
Xtikib’ankil lix Hu laj Mormon; Raatin laj Mormon 1:1–2; Mormon 8:1–4, 14–16; Moroni 1
K’iila chihab’ chirix a’an, sa’ 1823, laj Moroni kixk’ut rib’ jo’ jun li anjel chiru li profeet aj Jose Smith. Laj Moroni kixye re laj Jose b’ar tixtaweb’ li perel ch’iich’. Chi tenq’anb’il xb’aan li Dios, laj Jose kixjaltesi ru li k’a’ru tz’iib’anb’il chiruheb’ li perel ch’iich’.
Xtikib’ankil lix Hu laj Mormon; Jose Smith—Resilal 1
Li Dios naxtaqla li Santil Musiq’ej re aatenq’ankil chixnawb’al ma yaal junaq na’leb’. Naq nakawil lix Hu laj Mormon, naru nakattijok ut nakapatz’ re li Dios ma yaal li hu a’an. Chi jo’kan ajwi’, naru nakanaw naq li Jesus a’an laa Kolonel ut naq a’an nakatxra.