Alma 30

Laj Alma ut laj Korihor

Xpaab’ankil naq wan li Dios

laj Korihor nase’ek ut na’aatinak rik’in jun kristiaan naq neke’b’eek sa’ li b’e

Jun winq aj Korihor xk’ab’a’ kiwulak sa’ li ch’och’ Tzarahemla. A’an kixye reheb’ li tenamit naq moko wan ta li Dios chi moko li Jesukristo.

Alma 30:6, 12, 37–38, 45

laj Korihor nase’ek ut naxk’ut chi ruq’ jun ch’ina al ra xch’ool

Laj Korihor kixye naq eb’ li kristiaan ka’ajwi’ naru neke’xnaw naq yaal k’a’ruhaq wi neke’ril. A’an kireetz’uheb’ li ani neke’xpaab’ li Jesus.

Alma 30:13–16

laj Korihor nase’ek ut na’aatinak rik’ineb’ li tenamit

Laj Korihor kixye naq moko aajel ta ru naq li tenami te’xpaab’ lix taqlahom li Dios. Kixye naq naru te’xb’aanu yalaq k’a’ru neke’raj. Naab’aleb’ ke’paab’an re li raatin. Ke’xsik’ ru xb’aanunkil li k’a’ru ink’a’ us.

Alma 30:17–18

laj Korihor nab’ak’e’ ut nak’ame’ chirix li k’aleb’aal xb’aaneb’ aj k’aak’alenel

Laj Korihor kixyal xtzolb’aleb’ laj Anti-Nefi-Lehi, a’b’an ink’a’ ke’xpaab’ li raatin. Ke’xb’ak’ ut ke’risi. Jo’kan naq a’an naxik sa’ li ch’och’ Gideon. Aran li tenamit ke’xb’ak’ ajwi’. Ke’xtaqla rik’in laj Alma.

Alma 30:19–29

laj Korihor nase’ek ut naxk’ut chi ruq’ laj Alma

Laj Korihor kixye re laj Alma naq moko wan ta jun li Dios. Kixye naq laj Alma ut lix komoneb’ aj tij yookeb’ chi tik’ti’ik chiruheb’ li tenamit. Laj Korihor kixye naq yookeb’ chixminb’aleb’ ru chixtaaqenkil li jipil na’leb’. Kixye ajwi’ naq yookeb’ chixmaq’b’al xtumineb’ li tenamit. Laj Alma naxnaw naq moko yaal ta a’an. A’an kixpaab’ li Dios ut li Jesus.

Alma 30:30–40

laj Alma na’aatinak rik’ineb’ li tenamit naq laj Korihor nachunla chirixeb’ chi q’alq’ookeb’ lix tel

Laj Alma kixye naq eb’ li profeet ut chixjunil li k’a’ru wan sa’ li ruchich’och’ naxtenq’aheb’ li tenamit chixnawb’al naq wan jun li Dios. Laj Korihor kiraj rilb’al xkomon chik li na’leb’. Laj Alma kixye naq tixk’e a’an re laj Korihor. Kixye naq li Dios tixtz’ap li re laj Korihor. Sa’ tz’aqal li hoonal naq laj Alma kixye a’in, laj Korihor ink’a’ chik kiru chi aatinak.

Alma 30:41–50

laj Korihor ra xch’ool ut naxk’ut chi ruq’ jun li hu tz’iib’anb’il wi’ li raatin naq neke’el li tenamit rik’in a’an

Laj Korihor kixtz’iib’a naq naxnaw naq wan jun li Dios. Junelik kixnaw a’an. Kixtz’iib’a naq kib’alaq’iik xb’aan laj tza. Laj tza kixye re laj Korihor naq tixk’uteb’ li tik’ti’ chirix li Dios ut li Jesus. Naq li tenamit ke’xtzol li yaal chirix laj Korihor, ink’a’ chik ke’xpaab’ lix k’utum. Ke’xjal xk’a’uxl ut ke’ok chixtaaqenkil wi’chik li Jesus.

Alma 30:52–53, 57–58