Eb’ lix na’ jun saajil teep aj pleet

“Eb’ lix na’ jun saajil teep aj pleet,” Eb’ li Seraq’ sa’ lix Hu laj Mormon (2023)

Eb’ lix na’ jun saajil teep aj pleet

Xk’utb’al chiruheb’ li kok’al chan ru naq te’xkanab’ rib’ sa’ ruq’ li Dios

eb’ li saaj neke’ab’in naq jun na’b’ej naxtzoleb’ ut jun ixqa’al nab’atz’un

Eb’ laj Anti-Nefi-Lehi neke’xra li Qaawa’ ut chixjunil li kristiaan. Eb’ li na’b’ej ke’xk’ut chiruheb’ lix kok’al naq junelik naru neke’xkanab’ rib’ sa’ ruq’ li Dios. Ke’xk’ut chiruheb’ naq te’xpaab’ chixjunileb’ lix taqlahom.

Alma 26:31–34; 27:12, 27–30; 56:47–48; 57:21, 26

laj Helaman ut eb’ laj Nefita neke’ilok wan wi’ jun tenamit yoo chi k’atk

Eb’ laj Nefita ut eb’ laj Lamanita yookeb’ chixpleetinkileb’ rib’ chirib’ileb’ rib’. Eb’ laj Nefita neke’pleetik re xkolb’aleb’ rix lix tenamit ut eb’ laj Anti-Nefi-Lehi.

Alma 48–52; 53:10–13

eb’ laj Anti-Nefi-Lehi neke’aatinak rik’in laj Helaman ut jun chik aj Nefita

Xb’aan lix maakeb’ junxil, eb’ laj Anti-Nefi-Lehi ke’ok sa’ jun sumwank, malaj ke’ok sa’ aatin, rik’in li Dios naq maajun wa chik te’pleetiq. A’b’an neke’xraheb’ laj Nefita ut ke’raj xtenq’ankileb’.

Alma 24:6–19; 53:10–13

eb’ li ralal xk’ajol laj Anti-Nefi-Lehi neke’raatina rib’ ut neke’rileb’ lix na’ xyuwa’eb’ chi aatinak rik’in laj Helaman ut jun chik aj Nefita

Eb’ laj Anti-Nefi-Lehi ke’xk’e xch’ool naq te’pleetiq. A’b’an li profeet aj Helaman ut xkomoneb’ chik laj jolominel sa’ li Iglees ke’xq’unb’esiheb’ xch’ool naq te’xpaab’ li aatin okenaqeb’ wi’ naq ink’a’ chik te’pleetiq. Eb’ laj Anti-Nefi-Lehi ak neke’rileb’ li ramiiw chi rahob’tesiik ut chi ch’a’ajkilaak, a’b’an ke’xpaab’ lix sumwankeb’ rik’in li Dios.

Alma 53:13–15

eb’ li alalb’ej neke’xtaqsi ruq’eb’, ut eb’ lix na’ xyuwa’ ut eb’ laj Nefita neke’rab’iheb’

Eb’ li ralaleb’ laj Anti-Nefi-Lehi moko okenaqeb’ ta sa’ aatin jo’ xna’ xyuwa’eb’. Anajwan chik ke’ok sa’ aatin naq te’pleetiq sa’ xk’ab’a’ li ach’ab’aak.

Alma 53:16–17

eb’ li alalb’ej neke’xk’ul lix jutz’juukil che’ rik’in jun aj pleet aj Nefita, ut eb’ lix na’ xyuwa’eb’ neke’tijok ut neke’ilok

Kaw tz’aqal xch’ooleb’. Keʼtzoleʼ chaq xbʼaanebʼ lix naʼ naq wi inkʼaʼ nekeʼwiibʼan xchʼool, li Dios tixkolebʼ rix.

Alma 53:20; 56:47

eb’ li alalb’ej rik’in li kolb’a-ib’ aq’ej neke’aatinak rik’ineb’ xna’ xyuwa’, ut laj Helaman sa’ xkolb’a-ib’ aq’ naxaqli chixk’atqeb’

Eb’ li alalb’ej ke’xpaab’ li raatineb’ lix na’. Tiikeb’ chi paab’ank li alalb’ej chiru li Dios ut lix taqlahom. Neke’xnaw naq li Dios tixkoleb’ rix. Eb’ lix na’ neke’xnaw naq li Dios tixkoleb’ rix li ralal.

Alma 53:20–21; 56:47–48; 57:20–21, 26