Alma 62

Laj Teankum ut laj Moroni

Xk’utb’al xnimal li kawil chʼoolej

laj Ammoron rik’in jun teep aj pleet aj Lamanita neke’pleetik rik’in jun teep aj pleet aj Nefita

Chirix naq kikam laj Amalikiah, laj Ammoron, li riitz’in, ki’ok choq’ xreyeb’ laj Lamanita. Laj Ammoron ink’a’ kixkanab’ xpleetinkileb’ laj Nefita. Ke’pleetik chiru k’iila chihab’. Eb’ laj Nefita ke’ok chi numtaak, jo’kan naq chixjunileb’ li teep aj pleet reheb’ laj Lamanita ke’eelelik chaq toj sa’ jun ajwi’ li tenamit. Laj Moroni, laj Teankum ut jun chik aj taqlanel aj Nefita ke’xtaaqeheb’ laj Lamanita rik’ineb’ lix teep aj pleet.

Alma 52:3–4; 54:16–24; 62:12–35

laj Teankum naxchap jun jutz’juukil che’ ut nawulak sa’ li tenamit chiru q’ojyin

Laj Teankum kijosq’o’ xb’aan naq laj Amalakiah ut laj Ammoron ke’xtikib’ li nimla pleet a’in li najt kiwan. Xmaak li pleet, ke’kam naab’al li tenamit ut yoo chi oso’k li tzakemq. Laj Teankum kiraj xk’eeb’al xraqik li pleetik. A’an ki’ok sa’ li tenamit chiru q’ojyin re xsik’b’al laj Ammoron.

Alma 62:35–36

laj Teankum naxchap jun k’aam wan xchapleb’ ut nataqe’ sa’ xb’een li xaqxookil tz’ak

Laj Teankum kitaqe’ sa’ xb’een lix xaqxookil tz’ak li tenamit. Xko’o sa’ li jun na’ajej toj sa’ li jun chik toj reetal naq kixtaw b’ar wi’ nawar laj Ammoron.

Alma 62:36

laj Teankum naxaqli chirix rokeb’aal li muheb’aal t’ikr rik’in lix jutz’juukil che’ ut lix k’aam

Laj Teankum kixkut lix jutz’juukil che’ rik’in laj Ammoron. Li che’ kixkʼobʼ chixkʼatq li raam. A’b’an laj Ammoron kirajsiheb’ ru lix moos chi maji’ nakam.

Alma 62:36

laj Teankum naxaqli chiruheb’ laj pleet aj Lamanita rik’ineb’ lix jutz’juukil che’

Eb’ lix moos laj Ammoron ke’xtaaqe laj Teankum ut ke’xkamsi. Ke’raho’ xch’ool li jun siir chik chi aj taqlanel aj Nefita naq kikam laj Teankum. A’an kipleetik rik’in xkawilal xch’ool re rach’ab’ankil lix tenamit.

Alma 62:36–37

eb’ laj pleet aj Nefita neke’xchapeb’ laj pleet aj Lamanita

Us ta kikam, laj Teankum kixtenq’aheb’ laj Nefita chi numtaak sa’ li pleet. A’an kixkamsi laj jolominel reheb’ laj Lamanita. Sa’ li eq’la, laj Moroni kixpleetiheb’ laj Lamanita ut kinumta sa’ xb’eeneb’. Eb’ laj Lamanita ke’el chaq sa’ xch’och’eb’ laj Nefita, ut kiraqe’ li nimla pleet.

Alma 62:37–38

laj Moroni aj taqlanel naxb’eresiheb’ li winq li neke’xyiib’ jun k’aleb’aal, ut neke’ilok li junkab’al

Kiwan wi’chik li tuqtuukilal. Laj Moroni kik’anjelak chi kaw re xkawob’resinkil lix ch’och’eb’ laj Nefita re xkolb’al rix chiruheb’ laj Lamanita. Chirix a’an laj Moroni kisutq’i sa’ rochoch re wank sa’ tuqtuukilal. Eb’ li profeet ke’xk’ut li evangelio ut ke’xb’eresi lix Iglees li Dios. Eb’ li tenamit ke’xkanab’ rib’ sa’ ruq’ li Qaawa’, ut a’an kirosob’tesiheb’.

Alma 62:39–51