Alma 50

Li moos ixqaʼal aj Nefita

Tenq’ank chixkolb’al rix lix tenamit

laj Morianton naxchap jun xam ut na’aatinak rik’ineb’ li tenamit, wan chi nach’ li moos ixqa’al

Kiwan jun moos ixqa’al li nak’anjelak chiru laj Morianton, jun aj jolominel aj Nefita. Laj Morianton yoo chixyoob’ankil li ch’a’ajkilal sa’ xyanqeb’ li tenamit. Kixpleeti jun ch’uut aj Nefita ut kixyal xmaq’b’aleb’ lix ch’och’. A’an kiraj xik sa’ xnim li saq’e rochb’eeneb’ lix tenamit re reechaninkil li ch’och’ aran.

Alma 50:25–30

li moos ixqa’al na’eelelik chiru laj Morianton chiru q’ojyin

Sa’ jun li kutan, laj Morianton kijosq’o’ rik’in li moos ixqa’al. Kixrahob’tesi ut kixten. Ki’eelelik li moos ixqa’al ut kiwulak toj sa’ xteep laj Moroni aj taqlanel. Kixye re laj Moroni chixjunil li ink’a’ us xb’aanuhom laj Morianton. Laj Moroni kixpaab’ li kixye.

Alma 50:30–31

li moos ixqa’al naxk’ut chi ru’uj ruq’ li reetalil ch’och’ ut na’aatinak rik’in laj Moroni aj taqlanel

Li moos ixqa’al kixye ajwi’ naq laj Morianton naraj elk chaq re reechaninkil li ch’och’ wan sa’ xnim li saq’e. Ki’ok xk’a’uxl laj Moroni. Eb’ laj Nefita naru te’ok raj sa’ xiwxiw wi laj Morianton taareechani li ch’och’ sa’ xnim li saq’e. Naru taasachmanq raj li ach’ab’aak wankeb’ wi’.

Alma 50:31–32

li moos ixqa’al na’ilok wan wi’ laj Moroni ut li teep aj pleet

Laj Moroni kixtaqla jun teep aj pleet re xramb’al laj Morianton. Eb’ lix tenamit laj Morianton ke’pleetik a’b’an ink’a’ ke’numta. Ke’xyeechi’i naq ink’a’ chik te’pleetiq, ut ke’sutq’i sa’ xch’och’eb’. Xb’aan naq li moos ixqa’al kixye resil re laj Moroni li yoo chi k’ulmank, ke’kole’ rix li tenamit aj Nefita.

Alma 50:33, 35–36