Hoofstuk 16
Koning Limhi en Sy VOLK Ontsnap
Die Lamaniete het baie mense wat nie saam met Koning Noag ontsnap het nie gevange geneem. Die Lamaniete het hulle weggeneem en het vir hulle land gegee maar het hulle swaar belasting laat betaal.
Die Nefiete het Limhi hulle nuwe koning gemaak. Limhi was Koning Noag se seun, maar hy was nie goddeloos soos sy vader nie. Hy was ʼn goeie man.
Koning Limhi het probeer om vrede te maak met die Lamaniete, maar hulle het aangehou om die Nefiete te bewaak en om hulle wreed te behandel.
Eendag het Koning Limhi vreemdelinge buite die stad gesien. Hy het hulle in die tronk gegooi. Die vreemdelinge was Nefiete vanaf Zarahemla.
Hulle leier se naam was Ammon. Koning Limhi was bly om hom te sien. Hy het geweet dat Ammon sy volk kon help om te ontsnap van die Lamaniete.
Koning Limhi het sy volk bymekaargeroep. Hy het hulle herinner dat hulle eie goddeloosheid die rede was hoekom hulle deur die Lamaniete gevange gehou was.
Hy het vir sy volk gesê om te bekeer, op God te vertrou en die gebooie te onderhou. Dan sou God hulle help ontsnap.
Die Nefiete het uitgevind dat die Lamaniete wat die stad bewaak gewoonlik snags dronk geword het.
Daardie nag het Koning Limhi ekstra wyn aan die wagte gestuur as ʼn geskenk.
Koning Limhi en sy volk kon verby die dronk wagte loop en ontsnap.
Ammon het Koning Limhi en sy volk deur die wildernis na Zerahemla gelei, waar hulle verwelkom is.