Hoofstuk 25
Ammon Leer Koning Lamoni se Vader
Die Gees het Aäron en sy metgeselle na die land van Nefi gelei om Lamoni se vader, die koning oor al die Lamaniete, te leer.
Aäron het die koning vertel dat hy Ammon se broer was. Die koning het gedink oor Ammon se vriendelikheid en oor wat Ammon vir hom gesê het.
Aäron het die koning gevra of hy in God glo. Die koning het gesê dat hy nie seker is nie, maar dat hy Aäron sou glo as hy sê dat God bestaan. Aäron het die koning verseker dat God lewe.
Aäron het die skrifture aan die koning voorgelees. Hy het hom van die aarde se skepping, Adam se Val, en Jesus Christus se sending geleer.
Die koning het gevra wat hy nodig het om te doen om die Heilige Gees te hê en om gereed te wees om saam met God te lewe. Die koning was gewillig om enigiets te doen, selfs om sy koninkryk op te offer.
Aäron het die koning vertel dat hy ten volle van sy sondes moes bekeer. Hy moes bid en geloof hê in God.
Die koning het gebid om te weet of daar werklik ʼn God is. Hy het gesê dat hy al sy sondes sou weggee.
Die koning het op die grond neergeval, en het gelyk of hy dood was. Toe die koningin hom sien, het sy gedink dat Aäron en sy metgeselle hom doodgemaak het.
Die koningin het haar diensknegte beveel om Aäron en sy metgeselle dood te maak, maar hulle was bang om dit te doen. Sy het hulle gestuur om ander mense te gaan haal om dit te doen.
Voordat ʼn groot skare kon saamdrom en probleme veroorsaak, het Aäron die koning se hand geneem en hom beveel om te staan. Die koning het opgestaan.
Die koning het sy bevreesde vrou en diensknegte gekalmeer en het toe die evangelie aan hulle verkondig. Hulle het almal in Jesus Christus geglo.