Hoofstuk 44
Jesus Christus Seën die Kinders
Jesus Christus het vir die Nefiete gesê om hulle klein kindertjies na Hom te bring. Die kinders het op die grond naby Jesus gesit.
Die Verlosser het vir die mense gesê om neer te kniel. Hy het toe gekniel en tot Hemelse Vader gebid.
Die Verlosser se gebed was só wonderlik dat dit nie neergeskryf kon word nie. Dit het die Nefiete met vreugde gevul.
Na sy gebed het Jesus gesê dat die Nefiete geseënd sou wees vanweë hulle geloof.
Hy het soveel liefde en vreugde gevoel dat Hy geween het.
Hy het toe die kinders geneem en elkeen geseën. Hy het tot Hemelse Vader vir hulle gebid, en weer geween.
Jesus het vir die Nefiete gesê om hulle kinders te aanskou.
Terwyl die mense gekyk het, het engele uit die hemel neergedaal en die kinders omring. Die kinders en die engele is deur vuur omring.