Hoofstuk 31
Kaptein Moroni Verslaan Zerahemna
Zerahemna, die leier van die Lamaniete, wou hê sy volk moes aanhou om die Nefiete te haat en om hulle hul slawe te maak.
Die Nefiete wou hulle land en families vry hou. Hulle wou ook vry wees om God te aanbid.
Kaptein Moroni was die leier van die Nefitiese leërs. Toe die Lamaniete gekom het om te veg, het Moroni en sy leërs hulle in die land van Jerson ontmoet.
Kaptein Moroni het sy leër voorberei met wapens, skilde, wapenrusting, en dik klere.
Die Lamaniete het ʼn groter leër gehad, maar hulle was bang toe hulle die Nefiete se wapenrusting gesien het—die Lamaniete het baie min klere gedra.
Die Lamanitiese leër het nie gewaag om teen Kaptein Moroni se leër te veg nie. Die Lamaniete het in die wildernis in gehardloop en besluit om ʼn ander Nefitiese stad aan te val.
Moroni het spioene gestuur om die Lamaniete dop te hou. Hy het ook gevra dat Alma tot die Here moes bid om hulp te vra. Die Here het vir Alma gesê waar die Lamaniete sou aanval.
Toe Moroni Alma se boodskap ontvang het, het hy ʼn paar soldate agtergelaat om Jerson op te pas, en het die res van die leër gemarsjeer om die Lamaniete te ontmoet.
Kaptein Moroni se soldate het aan beide kante van die Sidonrivier weggekruip, en gewag om die Lamanitiese leër in ʼn strik te vang.
ʼn Geveg het begin, en die Lamaniete het probeer om te ontsnap deur die rivier oor te steek, maar meer Nefiete het aan die oorkant vir hulle gewag.
Baie Nefiete is gedood deur Zerahemna en sy leër wat soos nooit tevore geveg het nie. Die Nefiete het tot die Here geroep om hulp.
Die Here het die Nefitiese leër versterk. Die leër het die Lamaniete omsingel, en Moroni het die bevel gegee om op te hou veg.
Moroni het vir Zerahemna gesê dat die Nefiete nie die Lamaniete wil doodmaak of hulle hul slawe wil maak nie.
Moroni het gesê dat die Lamaniete nie die Nefiete se geloof in Jesus Christus kon vernietig nie. Hy het gesê dat God sou aanhou om die Nefiete te help om te veg solank as hulle getrou was.
Moroni het Zerahemna beveel om sy wapens te oorhandig. Die Lamaniete sou nie doodgemaak word as hulle belowe om nooit weer teen die Nefiete te veg nie.
Zerahemna het sy wapens vir Moroni gegee maar wou nie belowe dat hy nie sou veg nie. Moroni het die wapens teruggegee sodat die Lamaniete hulself kon verdedig.
Zerahemna het vorentoe gespring om Moroni dood te maak, maar ʼn Nefitiese soldaat het Zerahemna se swaard geslaan en gebreek.
Toe het ʼn soldaat Zerahemna se kopvel afgesny, dit op die punt van sy swaard gesit, en sy swaard in die lug opgehef.
Hy het gesê die Lamaniete sou val soos die kopvel geval het as hulle nie hulle wapens oorhandig en belowe om nie weer te veg nie.
Baie Lamaniete het hulle wapens aan Moroni se voete gelê en belowe om nie weer te veg nie. Hulle is toegelaat om vry te gaan.
Zerahemna was woedend en het die res van sy soldate opgesweep om te veg. Moroni se soldate het baie van hulle doodgemaak.
Toe Zerahemna gesien het dat hy en al sy manskappe doodgemaak sou word, het hy Moroni gesmeek om hul lewens te spaar. Hy het belowe om nooit weer teen die Nefiete te veg nie.
Moroni het die geveg gestop en die Lamaniete se wapens geneem. Nadat hulle belowe het om nie weer te veg nie, het die Lamaniete weggegaan.