Maʻunimaá

Ko e maʻunimaá ko ha fakafalala angamaheni ia ki ha tōʻonga pe faʻahinga meʻa ʻoku fakatuʻutāmaki. ʻE lava ke ne uesia ʻa e malava ko ia ke fakafanongo ki he Laumālié mo fakangatangata ʻa e tauʻatāina ke filí. Ko e tokolahi ʻo kinautolu ʻoku nau fefaʻuhi mo ha maʻunimaá ʻoku nau aʻusia ʻa e fakamāʻiá pe ko ha ongo ʻoku ʻikai lava ke ʻofaʻi kinautolu. Mahalo te nau ongoʻi loto-foʻi mo siva e ʻamanakí pea nau tui he ʻikai lava ha toe fakaakeake. Ka ʻoku ʻikai ha meʻa ʻe taʻemalava ki he ʻOtuá. ʻE lava ke fakamoʻui mo maluʻi ʻa e tokotaha kotoa pē ʻo fakafou ʻia Sīsū Kalaisi mo ʻEne Fakaleleí.

“ʻOku malava ʻe he maʻunimaá ʻo taʻofi ʻa e loto ʻo e tangatá mo fakataʻeʻaongaʻi ʻa e tauʻatāina ke fili ki he leleí.”

“Kiate kimoutolu kuo maʻunimā ʻe ha faʻahinga meʻa pē, ʻoku ʻi ai e ʻamanaki lelei koeʻuhí he ʻoku ʻofa ʻa e ʻOtuá ʻi Heʻene fānaú kotoa pea ʻe malava ke hoko e meʻa kotoa pē ʻi he Fakalelei ʻa e ʻEiki ko Sīsū Kalaisí.

“Kuó u mātā e ngaahi tāpuaki fakaofo ʻo e fakaakeaké mo e tauʻatāina mei he ngaahi sēini ʻo e maʻunimaá. Ko hotau Tauhí e ʻEikí pea he ʻikai ke tau masiva ʻi haʻatau falala ki he mālohi ʻo e Fakaleleí. ʻOku ou ʻilo ʻe lava pea ʻe fakatauʻatāinaʻi ʻe he ʻEikí ʻa kinautolu kuo maʻunimaá mei heʻenau pōpulá, he ʻoku hangē ko e fakahā ʻe he ʻAposetolo ko Paulá, ‘ʻOku ou faʻa fai ʻa e ngaahi meʻa kotoa pē ʻia Kalaisi ʻokú ne fakamālohiʻi aú’ (Filipai 4:13).”

Vakai ki he addictionrecovery.ChurchofJesusChrist.org ki ha fakamatala lahi ange.

Kanotohi Fekauʻakí

Ngaahi pōpoaki mei he kau taki ʻo e Siasí
Polokalama Fakaakeake mei he Maʻunimaá