Ako ʻo e Tokāteliné
Houʻeiki Fafine ʻi he Siasí
Vakai Fakalūkufuá
Ko e houʻeiki fafiné ko ha konga mahuʻinga ia ʻo e palani ʻo e fiefiá, pea he ʻikai lava ʻo ngāue ʻa e palani ko iá, taʻe te nau kau ki ai. ʻOku kau ʻa e houʻeiki fafiné ki he ngāue ʻo e fakamoʻuí, ʻa ia ʻoku kau ai ʻa e ngāue fakafaifekaú, pukepuke ʻo e kau papi uluí, fakamālohia ʻo e kāingalotu māmālohí, ngāue fakatemipalé mo e hisitōlia fakafāmilí, akoʻi ʻo e ongoongoleleí, pea mo hono tokangaʻi ʻo e paeá mo e masivá. ʻI heʻene hoko ko e ākonga ʻa Sīsū Kalaisí, ʻoku ʻoange ki he fefine kotoa pē ʻi he Siasí ʻa e fatongia ke ʻiloʻi mo taukapoʻi e ngaahi fatongia fakalangi ʻo e houʻeiki fafiné, ʻa ia ʻoku kau ai ʻa e uaifi, faʻē, ʻofefine, tuofefine, mehikitanga, mo e kaungāmeʻa. ʻOku nau tuʻu maʻu mo taʻe-faʻa-ueʻi ʻi he tuí, ʻi he fāmilí, pea ʻi he fakafiemālié. ʻOku kau ʻa e houʻeiki fafiné ʻi he ngaahi fakataha alēlea ʻokú ne tokangaʻi ʻa e ngaahi ʻekitivitī fakatahaʻanga ʻi he funga ʻo e māmaní. ʻOku nau maʻu foki, ʻi he natula faka-ʻOtuá, ʻa e meʻa-foaki mo e fatongia lahi ange ki ʻapi mo e fānaú mo hono tokangaʻi kinautolu ai pea ʻi he ngaahi ʻātakai kehé.
ʻOku kau ʻa e houʻeiki fafiné ʻi he Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, pea nau hoko ko e kau taki ʻi he Fineʻofá. ʻOku toe ngāue mo tataki foki ʻe he houʻeiki fafiné ʻa e houalotu ʻa e Kau Finemuí maʻá e fānau fefine taʻu 12 ki he 18, pea mo e houalotu Palaimelí maʻá e fānau kotoa pē ʻoku māhina ʻe 18 ki he taʻu 11. ʻOku toe faiako foki ʻa e houʻeiki fafiné ʻi he Lautohi Faka-Sāpaté. ʻOku ʻoange ki he houʻeiki fafiné ʻa e faingamālie ke nau lotu ʻi he ngaahi fakatahaʻanga ʻa e Siasí mo lea foki ʻi he ngaahi fakatahaʻanga ʻi he tuʻunga fakalotofonua mo fakalūkufua ʻo e Siasí.
ʻI he taimi ʻoku hoko ai ʻa e houʻeiki fafiné ko e palesiteni ʻo e Fineʻofá, Kau Finemuí, pe Palaimelí, ʻoku nau kau ʻi he ngaahi fakataha alēleá mo e ngaahi tuʻutuʻuni ʻoku fai fekauʻaki mo e kāingalotu ʻo e Siasí ʻi honau ʻiunití.
Lekooti e Ngaahi Ongo ʻOkú ke Maʻú
Ngaahi Tefito Fekauʻakí
-
Ngaahi ʻOfefine ʻi Hoku Puleʻangá
-
Lakanga Fakataulaʻeikí
-
Palaimelí
Ngaahi Folofolá
Ngaahi Fakamoʻoni Fakafolofolá
Ngaahi Maʻuʻanga Tokoni Ako Folofolá
-
Fakahinohino ki he Ngaahi Folofolá, “Fefiné”
Ngaahi Pōpoaki mei he Kau Taki ʻo e Siasí
Ngaahi Pōpoaki Lahi Angé
Ngaahi Maʻuʻanga Tokoni Fakaakó
Ngaahi Makasini ʻa e Siasí
“Kau Moʻungaʻi Fefine ʻi he Tohi ʻa Molomoná,” Liahona, ʻOkatopa 2016