Ako ʻo e Tokāteliné
Melinó
Vakai Fakalūkufuá
ʻOku fakakaukau ha kakai tokolahi ko e melinó ko e ʻikai ke ʻi ai ha tau. Ka te tau lava pē ʻo ongoʻi nonga ʻi he ngaahi taimi ʻo e taú, pea ʻe lava pē ʻo ʻikai ke tau lava ʻo maʻu ʻa e nongá neongo ʻoku ʻikai hoko ha tau. ʻOku maʻu ʻa e melinó ʻi he ongoongoleleí—tuʻunga ʻi he Fakalelei ʻa Sīsū Kalaisí, ngāue ʻa e Laumālie Māʻoniʻoní, pea mo ʻetau māʻoniʻoní, fakatomala fakamātoató, mo e ngāue faivelengá.
Naʻa mo e taimi ʻoku moveuveu ai e māmaní, te tau lava ʻo maʻu e tāpuaki ʻo e fiemālie fakaelotó. ʻE kei ʻiate kitautolu pē ʻa e tāpuaki ko ʻení ʻi heʻetau tuʻu maʻu ʻi heʻetau fakamoʻoni ki he ongoongoleleí pea ʻi heʻetau manatuʻi ʻoku ʻofa mo tokangaʻi kitautolu ʻe he Tamai Hēvaní mo Sīsū Kalaisi.
ʻIkai ngata pē ʻi heʻetau ongoʻi ʻa e melinó, te tau lava ʻo hoko ko ha ivi tākiekina ki he melinó ʻi hotau ngaahi fāmilí, hotau koló, pea mo e māmaní. ʻOku tau ngāue ke maʻu ʻa e melinó ʻi he taimi ʻoku tau tauhi ai ʻa e ngaahi fekaú, fai ha tokoni, tokangaʻi e kau mēmipa ʻo e fāmilí mo e ngaahi kaungāʻapí, mo vahevahe ʻa e ongoongoleleí. ʻOku tau ngāue ke maʻu ʻa e melinó ʻi he taimi kotoa pē ʻoku tau tokoni ai ke fakafiemālieʻi ha faingataʻaʻia ʻa ha taha kehe.
ʻOku akoʻi mai ʻe he ngaahi folofola ko ʻeni ʻa e Fakamoʻuí, ʻa e founga te tau lava ai ʻo aʻusia ʻa e nonga ʻoku ʻomi ʻe he ongoongoleleí:
“Ko e Fakafiemālié ko e Laumālie Māʻoniʻoní, ʻa ia ʻe fekau ʻe he Tamaí ʻi hoku huafá, te ne akoʻi ʻa kimoutolu ʻi he meʻa kotoa pē, mo fakamanatuʻi ʻakimoutolu ʻi he meʻa kotoa pē, ʻa ia kuó u lea ʻaki kiate kimoutolú.
“ʻOku ou tuku ʻa e melinó kiate kimoutolu, ko ʻeku melinó ʻoku ou foaki kiate kimoutolú: ʻoku ʻikai hangē ko e foaki ʻa māmaní, ʻa ʻeku foaki kiate kimoutolú. ʻOua naʻa mamahi homou lotó, pea ʻoua naʻa manavahē ia” (Sione 14:26–27).
“ʻOua ʻe manavahē ke failelei, ʻe hoku ongo foha, he ko e meʻa ko ia ʻokú mo tūtuuʻí, ko e meʻa pē ia te mo utú; ko ia, kapau te mo tūtuuʻi ʻa e lelei te mo utu foki ʻa e lelei ko hoʻomo totongi.
Ko ia, ʻoua ʻe manavahē, ʻe tākanga tokosiʻi; failelei; tuku ke kau fakataha ʻa māmani mo heli ke tauʻi ʻa kimoua, he kapau kuo langa ʻa kimoua ki heʻeku maká, ʻe ʻikai te nau lava ʻo ikuna.
Vakai, ʻoku ʻikai te u fakahalaiaʻi ʻa kimoua; mo ʻalu ʻi homo halá pea ʻoua ʻe toe faiangahala; fai ʻi he angafakamātoato ʻa e ngāue kuó u fekau kiate kimouá.
Sio pē kiate au ʻi he fakakaukau kotoa pē; ʻoua ʻe tālaʻa, ʻoua ʻe manavahē.
Vakai ki he ngaahi lavea ʻa ia naʻe hokaʻi ai ʻa hoku vakavaká, kae ʻumaʻā foki ʻa e ngaahi mataʻi faʻo ʻi hoku ongo nimá mo e vaʻé; tui faivelenga, tauhi ʻeku ngaahi fekaú, pea te mo maʻu ʻa e puleʻanga ʻo e langí” (Tokāteline mo e Ngaahi Fuakava 6:33–37).
“Kuó u tala ‘a e ngaahi meʻá ni kiate kimoutolu, koeʻuhí ke mou maʻu ‘a e fiemālié ‘iate au. Te mou maʻu ʻa e mamahí ʻi māmani; ka mou loto-toʻa; kuó u ikuʻi ʻa māmani” (Sione 16:33).
ʻI heʻetau manatu ki he Fakamoʻuí mo muimui ʻiate Iá, te tau lava moʻoni ʻo fiefia. Te tau lava ʻo aʻusia ʻa e melino moʻoni mo tuʻuloá ʻi he taimi kotoa pē. Te tau lava ʻo maʻu ha ʻamanaki lelei ʻi he fuofua folofola ʻa e Fakamoʻuí ki Heʻene kau ākongá hili ʻEne Toetuʻú: “Fiemālie pē ʻa kimoutolu” (Sione 20:19).
Lekooti e Ngaahi Ongo ʻOkú ke Maʻú
Ngaahi Tefito Fekauʻakí
Ngaahi Folofolá
Ngaahi Fakamoʻoni Fakafolofolá
Ngaahi Maʻuʻanga Tokoni Ako Folofolá
-
Fakahinohino ki he Ngaahi Folofolá, “Melinó”
Ngaahi Pōpoaki mei he Kau Taki ʻo e Siasí
Ngaahi Pōpoaki Lahi Angé
Ngaahi Vitioó;
Ngaahi Vitiō ʻa e Kuaea Tāpanekalé
“Let Us Oft Speak Kind Words (Kapau te Tau Feʻofoʻofani)”
Ngaahi Maʻuʻanga Tokoni Fakaakó
Ngaahi Maʻuʻanga Tokoni Fakalūkufuá
Ngaahi Makasini ʻa e Siasí
Elizabeth Lloyd Lund, “Ko Hono Maʻu e Melinó ʻi he Ngaahi Fehalākí,” Liahona, Fēpueli 2017
Ngaahi Tohi Lēsoni Akó
Ngaahi Akonaki ʻa e Kau Palesiteni ʻo e Siasí
Ngaahi Talanoá
Ngaahi Maʻuʻanga Tokoni Ki Hono Akoʻí
Ngaahi Fokotuʻutuʻu Ki Hono Akoʻí
Ngaahi Talanoa mo e Ngaahi ʻEkitivitī maʻá e fānaú
Mītiá
Ongó