Kāingalotu Taautaha ʻo e Siasí

Vakai Fakalūkufuá

Naʻe foaki ʻa e ongoongolelei ʻo Sīsū Kalaisí ʻe he ʻOtuá ke tāpuakiʻi ʻEne fānaú. Ko e tokotaha kotoa pē ko ha konga ia ʻo e fāmili maʻongoʻonga ʻo ʻetau ongomātuʻa fakalangí. ʻOku hoko ʻa kinautolu ʻoku nau kau ki he Siasí ko ha konga ʻo ha fakafeohi lahi ʻe taha, ko ha fakafeohi ʻo e kāinga kuo nau fili ke muimui kia Sīsū Kalaisi.

Ko e kāingalotu taautaha ʻo e Siasí—ʻo kau ai ʻa kinautolu kuo teʻeki ai ke nau malí, kuo nau vete, pe kuo nau uitoú—ʻoku nau ngāue mo moihū ʻi he Siasí fakataha mo e kāingalotu kehe ʻo honau uōtí mo e koló. Naʻe fakamatala ʻa Palesiteni Kōtoni B. Hingikelī ʻo pehē: “Hili e vakai ki he ngaahi tafaʻaki kotoa pē, ʻoku ʻikai totonu ke fakakalakalasi kitautolu ki he ʻosi mali pe taautaha, ka ko e kāingalotu ʻo e Siasí ʻoku taau ke maʻu e tokanga tatau, tauhi tatau, mo e ngaahi faingamālie tatau ke ngāue tokoni” (“A Conversation with Single Adults,” Liahona, Nōv. 1997, 18).

ʻOku mahuʻinga e fānau kotoa ʻa e ʻOtuá ki Heʻene palaní, pea ʻe lava ke fakahoko ʻe he taha kotoa ha fatongia mahuʻinga ʻi hono langa hake Hono puleʻangá. ʻIkai ko ia pē, ka ʻe lava ke fekumi e taha kotoa ki he tāpuaki kotoa pē ʻoku maʻu ʻe heʻetau Tamai Hēvaní maʻa ʻEne fānaú—ʻo kau ai e tāpuaki ʻo e mali taʻengatá—ʻi heʻenau maʻu e fiefiá ʻi honau ngaahi tūkunga lolotongá (vakai, Mōsaia 2:41). Naʻe fakamatalaʻi ʻe ʻEletā Lōpeti D. Heili ʻo pehē: “Koeʻuhí ko ʻEne ʻofa lahi kiate kitautolu kotoá, ʻoku finangalo e ʻEikí ke tau fiefia kotoa. Kuó Ne folofola mai kiate kitautolu ʻi heʻene palōfita ko Līhaí, ‘ʻOku ʻi ai ʻa e tangatá ke nau maʻu ʻa e fiefiá’ (2 Nīfai 2:25). Ko e fiefia ko ʻeni ʻoku tau talanoa ki aí, ʻoku ʻi he lolotongá. ʻOku ʻikai fie maʻu ke tau toe tatali ʻi ha ʻaho ʻe taha, ha toe taʻu ʻe taha, kae ʻoua leva kuo liliu hotau ngaahi tūkungá, pe ki he taimi ʻoku tau fou atu ai ʻi he veilí pea fononga ki hotau nāunau taʻengatá. ʻOku fie maʻu ke tau maʻu e fiefiá ʻi he lolotongá ni. Kapau ʻoku tau ʻofa ʻi he ongoongolelei ʻo Sīsū Kalaisí, te tau lava ʻo maʻu e fiefiá” (“Belonging to a Ward Family,” Liahona, Māʻa. 1999, 14).

Lekooti e Ngaahi Ongo ʻOkú ke Maʻú

Ngaahi Tefito Fekauʻakí

Vete Malí
Ngaahi Fāmili mo e Mātuʻa Taautahá
Ko e Fāmilí: Ko ha Fanongonongo ki Māmani

Folofolá

Ngaahi Maʻuʻanga Tokoni Ako Folofolá

Fakahinohino ki he Ngaahi Folofolá, “Fāmilí”