ʻOfá

Vakai Fakalūkufuá

Ko e ʻofá ko ha ongoʻi mateaki, tokanga, mo e manavaʻofa. ʻOku hā ʻa e sīpinga maʻongoʻonga taha ʻo e ʻofa ʻa e ʻOtuá ki Heʻene fānaú ʻi he Fakalelei taʻefakangatangata ʻa Sīsū Kalaisí. Ko e ʻofa ki he ʻOtuá mo e faʻahinga ʻo e tangatá, ko ha ʻulungaanga ia ʻo e kau ākonga ʻa Sīsū Kalaisí.

Kuó ke fakatokangaʻi nai ʻa e ʻofa ʻa e ʻOtuá ʻi hoʻo moʻuí?

ʻOku tau fakahaaʻi ʻetau ʻofa ki he ʻOtuá ʻaki ʻetau tauhi ʻEne ngaahi fekaú mo tokoniʻi ʻEne fānaú. ʻE lava ke kau ʻi hono fakahaaʻi ʻetau ʻofa ki he niʻihi kehé ʻa e angaʻofa kiate kinautolú, fakafanongo kiate kinautolu, tangi fakataha mo kinautolu, fakafiemālieʻi kinautolu, tokoniʻi kinautolu, lotua kinautolu, vahevahe e ongoongoleleí mo kinautolu, pea hoko ko honau kaungāmeʻa. ʻOku tupulaki ʻetau ʻofa kiate kinautolu ʻoku tau feohí ʻi heʻetau manatuʻi ko e fānau kotoa kitautolu ʻa e ʻOtuá—ko ha kaīnga fakalaumālie kitautolu. ʻOku maʻu ʻe he ʻofa ʻoku tupu mei hono ʻiloʻi ʻení ʻa e mālohi ʻoku ope atu ʻi he ngaahi fakangatangata fakafonua, fakalotu, mo e lanu kotoa pē.

Lekooti e Ngaahi Ongo ʻOkú ke Maʻú