Saione

Vakai Fakalūkufuá

ʻOku toutou hā ʻa e foʻi lea Saioné ʻi he ngaahi tohi folofola kotoa ʻa e Siasí. ʻI he fakahā ʻo e ngaahi ʻaho kimui ní, ʻoku fakaʻuhingaʻi ʻa Saione “ko e loto-maʻá” (Tokāteline mo e Ngaahi Fuakava 97:21).

ʻI he ngaahi fuofua ʻaho ʻo e kuonga fakakosipeli ko ʻení, ne faleʻi ʻe he kau taki ʻo e Siasí ʻa e kāingalotú ke nau langa hake ʻa Saione ʻaki haʻanau hikifonua ki ha feituʻu pau. ʻOku faleʻi kitautolu ʻe hotau kau takí he ʻahó ni ke langa hake ʻa Saione ʻi ha feituʻu pē ʻoku tau nofo ai. ʻOku kole ki he kāingalotu ʻo e Siasí ke nau nofo pē ʻi honau fonua tupuʻangá pea tokoni ki hono fokotuʻu ʻo e Siasí ʻi aí. ʻOku lahi ha ngaahi temipale ʻoku langa kae lava ke maʻu ʻe he Kāingalotu ʻo e Siasí ʻi he funga ʻo e māmaní ʻa e ngaahi tāpuaki ʻo e temipalé.

ʻOku toe lava foki ke ʻuhinga ʻa e foʻi lea Saioné ki ha ngaahi feituʻu fakasiokālafi pau, ʻo hangē ko ʻení:

Ko e kolo ko ʻĪnoké (vakai Mōsese 7:18–21).

Ko e kolo motuʻa ko Selusalemá (vakai 2 Samuela 5:6–7; 1 Ngaahi Tuʻi 8:1; 2 Ngaahi Tuʻi 9:28).

Ko e Selusalema Foʻoú, ʻa ia ʻe langa ʻi he Vahefonua Siakisoni, Mīsulí (vakai Tokāteline mo e Ngaahi Fuakava 45:66–67; 57:1–3; Ngaahi Tefito ʻo e Tuí 1:10).

Lekooti e Ngaahi Ongo ʻOkú ke Maʻú