Laumālié

Vakai Fakalūkufuá

Ko e tokotaha fakafoʻituitui kotoa pē ko ha fānau fakalaumālie ia ʻa e Tamai Hēvaní pea naʻe hoko ia ko ha laumālie kimuʻa ʻi he moʻui ko ʻeni ʻi he māmaní. Lolotonga e moʻui ko ʻení, ʻoku nofoʻia e laumālie ʻo e fakafoʻituituí ʻi ha sino fakamatelie, ʻa ia naʻe fanauʻi ʻi he ongomātuʻa fakamatelie.

ʻOku akoʻi mai ʻe he folofolá, ʻi he taimi ʻo e mate fakatuʻasinó, ʻoku ʻikai mate ʻa e laumālié. ʻOkú ne mavahe mei he sinó pea moʻui ʻi he maama tataliʻanga ʻo e ngaahi laumālie hili ʻa e moʻui fakamatelié. ʻI he taimi ʻo e toetuʻú, ʻoku toe fakataha ʻa e laumālié mo e sinó, “pea ʻe ʻikai ke toe fakamavaheʻi; ko ia ʻe hoko hono kotoa ʻo e sinó ʻo fakalaumālie mo taʻe-faʻa-mate” (ʻAlamā 11:45).

ʻOku akoʻi foki ʻe he folofolá fekauʻaki mo e natula ʻo e ngaahi laumālié. Naʻe fakahā ʻe he ʻEikí ʻo fakafou ʻi he Palōfita ko Siosefa Sāmitá, “ko e laumālie hono kotoa pē ko e meʻa ia, ka ʻoku pelepelengesi ʻaupito pe haohaoa ia, pea ʻoku ʻikai lava ke sio ki ai ka ʻi he mata pē ʻoku haohaoa ange” (Tokāteline mo e Ngaahi Fuakava 131:7). Naʻe fakahā foki ʻe he ʻEikí “ko e laumālie ʻo e tangatá ʻoku ʻi he tatau ia ʻo hono sinó, ʻo hangē foki ko e laumālie ʻo e manú, mo e meʻa moʻui kehe kotoa pē ʻa ia naʻe fakatupu ʻe he ʻOtuá” (Tokāteline mo e Ngaahi Fuakava 77:2; vakai foki, ʻEta 3:7–16).

Lekooti e Ngaahi Ongo ʻOkú ke Maʻú

Ngaahi Tefito Fekauʻakí

Toetuʻú
Lotó

Ngaahi Folofolá

Ngaahi Fakamoʻoni Fakafolofolá

Ngaahi Maʻuʻanga Tokoni Ako Folofolá

Fakahinohino ki he Ngaahi Folofolá, “Laumālié”

Ngaahi Pōpoaki mei he Kau Taki ʻo e Siasí

Ngaahi Pōpoaki Lahi Angé